کراچی: وفاقی وزیر برائے منصوبہ بندی اسد عمر کراچی میں گرین لائن کے افتتاح پر خوشی کا اظہار کرتے ہوئے مزید منصوبوں کی تفصیلات شیئر کردی ہیں۔
تفصیلات کے مطابق سماجی رابطے کی ویب سائٹ ٹوئٹر پر ٹوئٹ کرتے ہوئے اسد عمر نے لکھا کہ انتظار ختم ہوا، آج وزیراعظم گرین لائن کا افتتاح کریں گے۔
The wait is over. Inauguration of greenline by PMIK today. First of the 5 big federal govt projects included in karachi transformation plan being delivered. Great progress on all others. WE PROMISED… WE ARE DELIVERING #GreenLineForKarachi
— Asad Umar (@Asad_Umar) December 10, 2021
اسد عمر نے کہا کہ کراچی ٹرانسفارمیشن پلان میں شامل وفاقی حکومت کے 5 بڑے منصوبوں میں سے پہلا آج ڈیلیور کیا جا رہا ہے، مزید منصوبوں پر تیزی سے پیش رفت جاری ہے، جو وعدہ کیا ہم پورا کر رہے ہیں۔
یہ بھی پڑھیں:طویل انتظار ہوا ختم، وزیراعظم آج گرین لائن بس منصوبے کا افتتاح کریں گے
یاد رہے کہ وزیر اعظم عمران خان آج گرین لائن بس منصوبے کے ٹرائل آپریشن کا افتتاح کریں گے، سرجانی سے نمائش تک بیس کلومیٹر ٹریک پر اسی بسیں روزانہ تین لاکھ افراد کو سفر کی سہولت فراہم کریں گی۔
گرین لائن کا کم سےکم کرایہ15روپےمقرر کیا گیا ہے جبکہ پورےدن کےلیے100روپےکا کارڈ خریدنےکی سہولت فراہم کی گئی ہے،اس کے علاوہ خواتین اور معذور افراد کے لئے علیحدہ نشستیں مختص کی گئیں ہیں۔
