اسلام آباد: پاکستان تحریک انصاف کے سیکریٹری جنرل اسد عمر نے روپے کی گرتی قدر اور ڈالر کی اونچی اڑان پر وفاقی حکومت کو آڑے ہاتھوں لیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری بیان میں اسد عمر نے کہا کہ روپیہ اپنی ڈبل سنچری کے سفر پر گامزن ہے اور ڈالر ایک سو چورانے سے اوپر چلا گیا ہے جس کے باعث اسٹاک مارکیٹ گرتی جارہی ہے۔
پی ٹی آئی رہنما نے تنقید کرتے ہوئے کہا کہ غیریقینی صورت حال اور فیصلہ سازی کےفقدان کے نتیجے میں کاروبار بری طرح متاثر ہے، ایسی صورت حال میں فیصلہ ساز کہاں چھپےہیں؟
انہوں نے سوالیہ نشان کے ساتھ لکھا کہ لندن؟ دبئی؟ پاکستان میں تو نام و نشان نظر نہیں آرہا، انہوں مزید لکھا کہ تم لوگوں نے پاکستان کے ساتھ کیا کردیا ہے؟
https://twitter.com/Asad_Umar/status/1526101406565994499?s=20&t=doZjjqSwY1vPaU1QwyVAYQ
