site
stats
پاکستان

آصفہ بھٹوزرداری کی سماجی رہنما عبدالستارایدھی کی عیادت

کراچی: آصفہ بھٹوزرداری عبدالستارایدھی کی عیادت کیلئے ان کی رہائش گاہ پہنچ گئیں،عبدالستارایدھی نے ایدھی فاؤنڈیشن کے قبرستان کیلئے زمین فراہم کرنے کی درخواست کردی۔

شہید بے نظیر بھٹو کی صاحبزادی آصفہ بھٹو زرداری نے ایدھی سینٹر میں سماجی رہنماعبدالستار ایدھی کی ان کے گھر جا کر عیادت کی اور پھولوں کا گلدستہ پیش کیا اور عبدالستار ایدھی سے ان کے علاج معالجے اور صحت کے بارے میں دریافت کیا۔

عبدالستار ایدھی نے بتایا کہ ان کا علاج ایس آئی یو ٹی میں ہورہا ہے، آصفہ بھٹو زرداری نے کہا کہ ایک بیٹی کی حیثیت سے ان سے ملنے آئی ہیں، پاکستان میں یا کہیں اوریا کسی ادارے میں اگرعبدالستار ایدھی اپنا علاج کروانا چاہتے ہیں تو وہاں سہولیات فراہم کرنے کیلئے تیار ہیں۔

عبدالستار ایدھی نے شکریہ اداکرتے ہوئے کہا کہ علاج و معالجے کیلئے مدد درکار ہوگی وہ ضرور بتائیں گے، عبدالستار ایدھی کاکہنا تھا کہ اگر وہ ایدھی فاؤنڈیشن کے قبرستان کیلئے سندھ حکومت سے زمین دلوادیں تو یہ ایک نعمت ہوگی ۔

آصفہ بھٹو نے کہا کہ وہ اس معاملے میں ذاتی دلچسپی لیں گی اور وزیراعلیٰ سندھ سے بات کریں گی، آصفہ بھٹو زرداری کلفٹن میں واقع بلقیس ایدھی وومن فاؤنڈیشن کے بے سہارا اور لاوارث خواتین کے سینٹر بھی گئیں،جہاں انہوں نے خواتین اور بچوں کے مسائل سے آگاہی حاصل کی۔

انہوں نے خواتین اور بچوں کیلئے افطاری کا انتظام بھی کیا اور خواتین و بچوں کے ساتھ روزہ افطار کیا،خواتین اور بچوں نے آصفہ بھٹو زرداری کے ساتھ تصویریں بھی بنوائیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top