The news is by your side.

Advertisement

کراچی ایئرپورٹ پر بنکاک جانے والا دہشت گرد گرفتار

کراچی : ایئرپورٹ پر اے ایس ایف نے کارروائی کرتے ہوئے بنکاک جانے والے دہشت گرد گرفتار کرلیا، دہشت گرد سے 4 پستول، 8 میگزین، 70 گولیاں برآمد ہوئیں۔

تفصیلات کے مطابق سیکیورٹی کے سارے انتظامات دھرے رہ گئے، کراچی میں ملائشین باشندہ اسلحہ لے کر ایئرپورٹ کے اندر پہنچ گیا۔

جناح انٹرنیشنل ایئر پورٹ پر ایئر پورٹ سیکیورٹی فورس نے کارروائی کرتے ہوئے کراچی سے بنکاک جانے والے دہشت گرد کو گرفتار کر لیا۔

اے ایس ایف حکام کے مطابق کارروائی کے دوران پکڑے جانا والا دہشت گرد بیس سالہ المہدالفی ملائیشین نژاد شہری ہے، گرفتار دہشت گرد نے اپنے سامان اور میں چار ٹی ٹی پستولیں، آٹھ میگزین چھپائے ہوئے تھے اور جوتے کے اندر ستر گولیاں چھپی ہوئی تھیں۔

دہشت گرد نے پستولیں کھول کر سامان کے بیچ میں رکھی ہوئی تھیں تاکہ کسی کو پتا نہ چل سکے۔

گرفتار دہشت گرد سے تحقیقات کے لیئے حساس ادارے کراچی ایئرپورٹ پہنچ گئے، مزید تفتیش جاری ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں