اسلام آباد : اے ایس ایف نےاسلام آباد ایئرپورٹ پرمنشیات اسمگلنگ کی کوشش ناکام بنادی اور دوحہ جانیوالے مسافر سے حشیش برآمد کرلی۔
تفصیلات کے مطابق ایئرپورٹ سیکیورٹی فورس (اے ایس ایف) نے اسلام آبادایئرپورٹ پر کارروائی کرتے ہوئے دوحہ جانیوالے مسافر شاہ زیب سے حشیش برآمد کرلی ، ملزم نے مٹھائی کے اندر حشیش چھپا رکھی تھی۔
حکام نے بتایا کہ ملزم نے امنشیات بھرے کیپسول نگلنے کا انکشاف بھی کیا ہے ، جس کے بعد اے ایس ایف نےملزم کو اےاین ایف کےحوالےکردیا، ملزم کو اسپتال منتقل کرکے پیٹ سے کیپسول نکالے جائیں گے۔
یاد رہے گذشتہ ماہ وفاقی دارالحکومت اسلام آباد کے انٹرنیشنل ایئرپورٹ پر تعینات ایئرپورٹ سیکیورٹی فورس کے اہلکاروں نے 6 کلو سے زائد آئس سعودی عرب منتقل کرنے کی کوشش ناکام بنا دی۔
سعودی شہر دمام جانے والا مسافر میر سجاد علی 6.330 کلو آئس اسمگل کرنے کی کوشش کررہا تھا، مسافر نے ہیروئن بیگ میں مہارت سے چھپا رکھی تھی۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں