The news is by your side.

Advertisement

اسلام آباد ایئرپورٹ پرمنشیات اسمگلنگ کی کوشش ناکام، ملزم گرفتار

اسلام آباد: نیو اسلام آباد ایئرپورٹ پر اے ایس ایف نے بیرون ملک منشیات اسمگلنگ کرنے کی کوشش ناکام بناتے ہوئے ملزم کو گرفتار کرلیا۔

تفصیلات کے مطابق نیواسلام آباد ایئرپورٹ پر اے ایس ایف نے غیرملکی ایئرلائن کی پرواز کے ذریعے سعودی عرب جانے والے مسافر سے 10 کلو 632 گرام مائع آئس ہیروئن برآمد کرلی۔

اے ایس ایف حکام کے مطابق شزاد نامی ملزم نا تعلق جنوبی پنجاب کے علاقے بہاولنگر سے ہے، ملزم غیرملکی ایئرلائن کی پرواز کے ذریعے حج کی غرض سے سعودی عرب جا رہا تھا۔

ترجمان اے ایس ایف کے مطابق ملزم کے پاس سے ایک مشروب کی بوتلیں برآمد ہوئیں جن میں مائع آئس ہیروئن اسمگل کی جا رہی تھی مشروبات کی 12 بوتلوں میں 10 کلو 632 گرام مائع آئس ہیروئن برآمد ہوئی۔

ایئرپورٹ سیکیورٹی فورسز نے ملزم کو گرفتار کرکے اینٹی نارکوٹکس فورس (اے این ایف) کے حوالے کردیا گیا۔

اسلام آباد ایئرپورٹ پراے ایس ایف کی کارروائی، 2 ملزمان گرفتار

یاد رہے کہ دو روز قبل نیو اسلام آباد ایئرپورٹ پر اے ایس ایف نے بیرون ملک منشیات اسمگلنگ کرنے کی کوشش ناکام بناتے ہوئے 2 ملزمان کو گرفتار کیا تھا۔

Comments

comments

یہ بھی پڑھیں