کراچی: وزیر اعظم کی ہدایت پر ایئرپورٹ سیکیورٹی فورس کو پانچ جدید بکتربند گاڑیاں فراہم کردی گئیں ہیں۔
وفاقی حکومت نے ایئرپورٹ سیکیورٹی فورس کو پانچ جدید بکتر بند گاڑیاں اے ایس ایف کے حوالے کردی گئیں پانچوں ڈریگون بکتر بند گاڑیاں کراچی میں واقع اے ایس ایف ہیڈ کوارٹر میں پہنچ چکی ہیں پانچوں گاڑیاں مختلف ایئرپورٹ کیلئے روانہ کردی جائیں گی۔
وزیر اعظم کی ہدایت پر وفاقی حکومت نے 55کروڑ روپے کی لاگت سے اے ایس ایف کو 10بکتر ند گاڑیوں کی منظوری دی گئی تھی۔جدید ڈریگون گاڑیاں ٹیکسلا کے ایچ آئی ٹی میں تیار کی گئی ہیں۔
ڈائریکٹر جنرل اے ایس ایف میجر جنرل سہیل احمد خان نے اے آروائی نیوز سے گفتگو کرتے ہوئے بتایا کہڈریگون نامی جدید بکتر بند گاڑیاں اسٹیٹ آف آرٹ ہیں مزید پانچ ڈریگون گاڑیاں آئندہ ماہ اے ایس ایف کے حوالے کردی جائیں گی ۔
جدید ڈریگون گاڑیاں کراچی،اسلام آباد،لاہور ،کوئٹہ اور پشاور ایئرپورٹ پر تعینات ہوں گی۔سہیل احمد خان کا کہنا تھا کہ پاکستان کے ایئرپورٹ پر اے ایس ایف کے سخت حفاظتی اقدامات کے باعث پاکستان سے جانیوالا ہر مسافرمحفوظ ہے۔
