اسلام آباد : ایئرچیف مارشل سہیل امان نے سابق ایئرچیف اصغرخان کے انتقال پر گہرے رنج وغم کا اظہارکرتے ہوئے کہا کہ اصغر خان نے جانفشانی اور بہادری سے نو زائیدہ ائیر فورس کی قیادت کی۔
تفصیلات کے مطابق ایئرچیف مارشل سہیل امان نے پاک فضائیہ کے پہلے پاکستانی کمانڈران چیف ایئرمارشل ریٹائرڈ اصغرخان انتقال پررنج وغم کا اظہار کرتے ہوئے کہا کہ اصغر خان نے پاک فضائیہ کو جدید فضائی قوت بنانے میں کلیدی کردار ادا کیا۔
ایئرچیف سہیل امان نے کہا کہ اصغرخان غیر معمولی پیشہ ورانہ صلاحیت، غیر متزلزل عزم کے پیکرتھے۔
سابق ایئرچیف مارشل اصغرخان انتقال کرگئے
خیال رہے کہ تحریک استقلال کے سربراہ سابق ایئرچیف مارشل اصغرخان اس جہانِ فانی سے کوچ کرگئے، ان کی عمر 97 برس تھی۔
یاد رہے کہ اصغرخان 1957 میں ایئرچیف کے عہدے پرفائز ہوئے اور اس وقت ان کی عمر 36 سال تھی اور وہ کم عمر ترین فضائیہ کے سربراہ تھے
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں