The news is by your side.

سعودیہ اورامارات داعش کے خلاف امریکا کا ساتھ دیں، ایش کارٹر

برسلز: امریکی وزیردفاع ایش کارٹر نے امید ظاہر کی ہے کہ سعودی عرب اور متحدہ امارات بھی داعش مخالف کارروائیوں میں امریکی اتحاد کا ساتھ دیں گے۔

برسلز میں نیٹو حکام سے ملاقات کے بعدجاری بیان میں امریکی وزیر دفاع ایش کارٹر نے امید ظاہر کی ہے کہ سعودی عرب اور متحدہ عرب امارات اپنی خصوصی ٹاسک فورس کو داعش کے خلاف شامی اپوزیشن کی مدد اور الرقہ شہر کا قبضہ واگزار کرانے کے لئے بھیجیں گے۔

ایش کارٹر نے بتایا کہ امریکہ موقع اور وسائل فراہم کرےگا تاکہ الرقہ شہر سمیت شام کے دیگر علاقوں کو داعش کے چنگل سے آزاد کرایاجاسکے۔

اس سےقبل ایش کارٹر نے متحدہ عرب امارات کے عہدیداروں سے ملاقات کی تھی جس کے بعد ان کا کہنا تھا کہ یو اے ای نے امریکی قیادت میں داعش کے خلاف اپنے فضائی حملے دوبارہ شروع کرنے کا وعدہ کیا ہے۔

Print Friendly, PDF & Email

Comments

comments

یہ بھی پڑھیں