ایشزسیریز: آسٹریلیا نےپہلےٹیسٹ میں انگلینڈ کو شکست دے دی -
The news is by your side.

Advertisement

ایشزسیریز: آسٹریلیا نےپہلےٹیسٹ میں انگلینڈ کو شکست دے دی

برسبین: آسٹریلیا نے ایشز سیریز کے پہلے ٹیسٹ میچ میں مہمان ٹیم انگلینڈ کو 10 وکٹوں سے شکست دے کر پانچ میچز پر مشتمل سیریز میں 0-1 کی برتری حاصل کرلی۔

تفصیلات کے مطابق آسٹریلیا کے شہر برسبین کے گابا اسٹڈیم میں کھیلے گئے ایشزسیریز کے پہلے ٹیسٹ میچ میں مہمان ٹیم انگلینڈ نے آسٹریلیا کو جیت کے لیے 170 رنز کا ہدف دیا۔

میزبان ٹیم آسٹریلیا نے انگلینڈ کی جانب سے دیا جانے والا ٹارگٹ بغیر کسی نقصان کے حاصل کرلیا۔

آسٹریلیا کی جانب سے کیمرون بینکروفٹ نے 82 اور ڈیوڈ وارنر نے 87 رنز کی نا قابل شکست اننگز کھیلی جبکہ میچ میں شاندار بیٹنگ کا مظاہرہ کرنے پر آسٹریلوی کپتان کو مین آف دی میچ کے ایوارڈ سے نوازا گیا۔

یاد رہے کہ انگلینڈ نے پہلی اننگز میں 302 جبکہ دوسری اننگز میں 195 رنز بنائے جبکہ میزبان ٹیم آسٹریلیا نے اپنی پہلی اننگز میں 328 رنز بنائے تھے۔

واضح رہے کہ انگلینڈ اور آسٹریلیا کے درمیان موجودہ ایشز سیریز میں پانچ ٹیسٹ میچ کھیلے جائیں گے، انگلینڈ کی ٹیم گزشتہ ایشز سیریز کی فاتح رہی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں