سڈنی: آسٹریلیا نے انگلینڈ کے خلاف ایشیز سیریز کے ابتدائی دو ٹیسٹ میچز کیلئے پندرہ رکنی اسکواڈ کا اعلان کردیا، ٹی ٹوئنٹی ورلڈکپ کے فائنل میں میچ وننگ اننگز کھیلنے کے باوجود مچل مارش سلیکٹرز کا اعتماد حاصل نہ کرسکے۔
کرکٹ آسٹریلیا کے آفیشل ٹوئٹر اکاؤنٹ سے کئے ٹوئٹ میں بتایا گیا کہ آسٹریلیا نے انگلینڈ کے خلاف ایشیز سیریز کے ابتدائی دو ٹیسٹ میچز کیلئے پندرہ رکنی اسکواڈ کا اعلان کیا ہے۔
ثمان خواجہ کی دوہزار انیس کے بعد ٹیم میں واپسی ہوئی ہے جبکہ ٹی ٹوئنٹی ورلڈکپ کے فائنل میں میچ وننگ اننگز کھیلنے کے باوجود مچل مارش سلیکٹرز کا اعتماد حاصل نہ کرسکے، ٹیم کی قیادت ٹم پین کریں گے۔
آسٹریلیا اسکواڈ
ٹم پین (کپتان ) پیٹ کمنس، کیمیرن گرین، جوش ہیزل ووڈ، ٹریوس ہیڈ، عثمان خواجہ، مارنس لیبس ہینگ، نیتھن لیان، مائیکل نیسر، جے رچرڈسن، اسٹیو اسمتھ، مچل اسٹارک، مائیکل سوئپن، اور ڈیوڈ وارنر۔
The National Selection Panel has named a 15-player squad for the first two matches of the Vodafone Men's #Ashes Series against England!
Tickets: https://t.co/yhYqPqaGFD pic.twitter.com/rDynzKb7rW
— Cricket Australia (@CricketAus) November 17, 2021
دونوں ٹیموں کے درمیان پہلا ٹیسٹ آٹھ دسمبر سے برسبین میں شروع ہوگا۔
یاد رہے کہ ایشیزکرکٹ سیریز ہر دو سال بعد انگلینڈ اور آسٹریلیا کے درمیان ہوتی ہے، کرکٹ کی تاریخ کی یہ سب سے پرانی سیریز ہے جس کا آغاز 1882ء میں ہوا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں