The news is by your side.

Advertisement

ایشیز سیریز، چوتھے ٹیسٹ میں آسٹریلیا نے انگلینڈ کو 185 رنز سے شکست دے دی

مانچسٹر: آسٹریلیا نے مانچسٹر ٹیسٹ میں تاریخ رقم کردی، اسٹیو اسمتھ کی میچ وننگ ڈبل سنچری کی بدولت آسٹریلیا نے چوتھے ٹیسٹ میں انگلینڈ کو 185 رنز سے شکست دے دی۔

تفصیلات کے مطابق ایشیز سیریز کے چوتھے ٹیسٹ میچ میں آسٹریلیا نے انگلینڈ کو 185 رنز سے ہرا کر پانچ میچوں کی سیریز میں 2-1 کی برتری حاصل کرلی، اسٹیو اسمتھ کو شاندار ڈبل سنچری پر میچ کا بہترین کھلاڑی قرار دیا گیا۔

مانچسٹر میں اسٹیو اسمتھ کی تاریخی ڈبل سنچری نے آسٹریلیا کی جیت کی بنیاد رکھی، پیٹ کمنز نے چار کھلاڑیوں کو آؤٹ کرکے انگلینڈ کو تین سو ایک رنز تک محدود رکھا۔

اس سے قبل کینگروز نے 196 رنز کی برتری کے ساتھ دوسری اننگز کا آغاز کیا تو اسمتھ نے 82 رنز کی اننگز کھیل ہدف کو 383 رنز تک پہنچایا، ہدف کے تعاقب میں پیٹ کمنز کی خطرناک بولنگ کے آگے انگلش ٹیم بے بس نظر آئی۔

انگلینڈ کے تیسرے ٹیسٹ کے ہیرو بین اسٹوکس نہیں چلے تو کوئی بھی نہ چلا، انگلش کپتان جو روٹ نے سیریز میں 3 مرتبہ صفر پر آؤٹ ہوکر منفی ریکارڈ قائم کرلیا۔

واضح رہے کہ اسٹیو اسمتھ نے چوتھے ٹیسٹ میں 216 اور 82 رنز کی اننگز کھیلی، اسمتھ سیریز میں تین سنچریاں اسکور کرچکے ہیں، وہ ٹیسٹ رینکنگ میں پہلے نمبر پر براجمان ہیں۔

چوتھے ٹیسٹ میچ میں کامیابی کے ساتھ کینگروز کو ناقابل شکست 2-1 کی برتری حاصل ہوگئی ہے اب انگلینڈ کو اگر آخری ٹیسٹ میچ میں شکست سے بچنا ہے تو سیریز برابر کرنا ہوگی۔

Comments

comments

یہ بھی پڑھیں