The news is by your side.

Advertisement

آشیانہ ہاؤسنگ اسکیم کی انکوائری : نیب نے شہباز شریف کو طلب کرلیا

لاہور : قومی احتساب بیورو نے وزیراعلیٰ پنجاب شہبازشریف کو آشیانہ ہاﺅسنگ اسکیم کی انکوائری کیلئے طلب کرلیا، نیب نے بائیس جنوری کے نوٹس جاری کردیئے۔

تفصیلات کے مطابق بڑے بھائی نواز شریف کے بعد اب چھوٹا بھائی بھی نیب کے شکنجے میں آگیا، قومی احتساب بیورو نے خادم اعلیٰ شہباز شریف کو 22 جنوری صبح دس بجے دفتر میں پیشی کا نوٹس دے دیا ہے۔

ذرائع کا کہنا ہے کہ وزیراعلٰی پنجاب صبح دس بجے چھ رکنی کمیٹی کے سامنے پیش ہوکر آشیانہ ہاؤسنگ اسکیم میں ہونے والی بے ضابطگیوں کا جواب دیں گے۔

 نیب اس سے قبل سابق ڈی جی ایل ڈی اے اور پیراگون سوسائٹی کے اعلیٰ حکام کو بھی طلب کرچکی ہے، یاد رہے کہ  وزیراعلٰی پنجاب نے کم آمدنی والے بے گھر افراد کو اپنے گھر کا سہانا خواب دکھایا تھا۔

خود کو خادم اعلٰی کہنے والے وزیر اعلٰی پنجاب شہباز شریف نے بڑے بڑے دعوؤں کے ساتھ دو ہزار گیارہ میں منصوبے کا افتتاح کیا۔

دو ہزار بارہ میں آشیانہ ہاؤسنگ اسکیم کا آغاز ہوا، منصوبے کے مطابق پانچ سال کی مدت میں پچاس ہزار گھر تعمیر کئے جانے تھے لیکن دعوے حقیقت میں تاحال تبدیل نہ ہو سکے۔


مزید پڑھیں : آشیانہ اسکینڈل، پی ٹی آئی کا سعد رفیق کو برطرف کرنے کا مطالبہ


واضح رہے کہ گزشتہ سال نومبر میں آشیانہ ہاؤسنگ سوسائٹی کی تحقیقات میں یہ انکشاف ہوا تھا کہ وفاقی وزیر ریلوے خواجہ سعد رفیق کے پیراگون سوسائٹی سے براہ راست روابط ہیں۔

پنجاب لینڈ ڈویلپمنٹ کمپنی کے ذریعے آشیانہ اسکیم لانچ کی گئی تھی، مذکورہ اسکیم سے روابط کے الزام پرپی ٹی آئی نے پنجاب اسمبلی میں خواجہ سعد رفیق کو عہدے سے برطرف کرنے کیلئے قرار داد بھی جمع کرائی تھی۔

Comments

comments

یہ بھی پڑھیں