The news is by your side.

کے الیکٹرک کی عاشورہ والی رات بھی شہر میں 2 سے 4 گھنٹے کی لوڈ شیڈنگ

کراچی: کے الیکٹرک نے عاشورہ والی رات بھی شہر میں 2 سے 4 گھنٹے کی لوڈ شیڈنگ جاری رکھی۔

تفصیلات کے مطابق کے الیکٹرک نے وفاقی حکومت کے احکامات ہوا میں اڑا دیے، شہر بھر میں عاشورہ والی رات بھی دو سے چارگھنٹے کی لوڈ شیڈنگ کی۔

شدید حبس میں رات کے وقت بجلی کی لوڈ شیڈنگ سے عوام پریشان ہو گئے، مختلف علاقوں میں رات کے وقت بھی 2 بار دو سے 3 گھنٹے کی لوڈ شیڈنگ کی جا رہی ہے، مستثنیٰ علاقوں میں بھی ایک سے 2 گھنٹے کی لوڈ شیڈنگ معمول بن گیا۔

نشریات کی بندش کے باعث اے آر وائی نیوز کی لائیو ٹرانسمیشن یہاں دیکھیں

عاشورہ والی رات جن علاقوں میں بجلی غائب رہی ان میں نارتھ کراچی، شادمان ٹاؤن، سر سید ٹاؤن، خواجہ اجمیر نگری، لیاقت آباد، گلبہار، خاموش کالونی، پہاڑ گنج، حسرت موہانی کالونی، ایف بی ایریا، موسیٰ کالونی، غریب آباد، کریم آباد، عزیز آباد شامل ہیں۔

گلشن اقبال، گلستان جوہر، پی ای سی ایچ ایس سوسائٹی، پرانی سبزی منڈی، دھوراجی کالونی، کے ڈی اے اسکیم ون آفیسرز ہاؤسنگ سوسائٹی، اسکاٹ کالونی، ریلوے سٹی کینٹ کالونی، اعظم بستی محمود آباد، کشمیر کالونی، اختر کالونی، عباس ٹاؤن، رضویہ سوسائٹی، انچولی، لانڈھی، کورنگی میں بھی بجلی بند کی گئی۔

اورنگی گلشن ظہور، بلدیہ اتحاد ٹاؤن، منگھو پیر، قصبہ، پاک کالونی، کیماڑی، مشرف کالونی، نصرت بھٹو کالونی، میٹروول سائٹ، گلشن حدید،گلشن معمار، احسن آباد، کوئٹہ ٹاؤن، صفورہ گوٹھ، بندھانی کالونی میں  بھی بجلی کی فراہمی معطل رہی۔

ذرائع کا کہنا ہے کہ کے الیکٹرک 500 میگا واٹ بجلی کی کمی لوڈ شیڈنگ سے پوری کر رہی ہے۔

Comments

یہ بھی پڑھیں