The news is by your side.

Advertisement

لاڑکانہ : اے ایس آئی پر تشدد کرنے والے پی پی رہنما کو گرفتار کرلیا گیا

لاڑکانہ : پولیس اسٹیشن میں  اے ایس آئی پر تشدد کرنے والے پی پی رہنما ذوالفقار جکھرانی کو گرفتار کرلیا گیا ، اصغر مغیری نے دو ملزمان کوشراب سمیت گرفتارکیا تھا جنہیں چھڑانے کیلئے تشدد کیا گیا۔

تفصیلات کے مطابق لاڑکانہ میں بااثر افراد نے تھانیدار کے سامنے اے ایس آئی اصغرمغیری پر تشدد کیا ، اس دوران تھانہ ولید کا ایس ایچ او تماشا دیکھتا رہا، اے ایس آئی نے دو افراد کو شراب کی بوتلوں سمیت گرفتار کیا تھا۔

ذرائع کا کہنا ہے پیپلز پارٹی کے رہنما پی پی رہنما ذوالفقار جکھرانی نے اے ایس آئی پر نہ صرف تشدد کیا بلکہ ملزمان بھی تھانے سے چھڑا کر لے گئے جبکہ پی پی رہنما ذوالفقار جکھرانی نے اے ایس آئی کی وردی بھی پھاڑ دی۔

شکایت پر اے ایس آئی اصغرمغیری کا تبادلہ دوسری جگہ کر دیا گیا، جس پر اےایس آئی اصغرمغیری نے دلبرداشتہ ہو کر خود کشی کی کوشش کی ،ڈی آئی جی نے واقعے کا نوٹس لے لیا ہے۔

ایس ایس پی مسعودبنگش کا کہنا ہے کہ اصغرمغیری کے واقعےکی تحقیقات کررہے ہیں، اے ایس آئی پرتشدد کرنیوالے ذوالفقار جکھرانی کو گرفتارکرلیا ہے جبکہ واقعے کے بعد ایس ایچ او کو معطل کردیا گیا ہے۔

مسعودبنگش نے کہا کہ اے ایس آئی اصغرمغیری کی سوشل میڈیا پر خود کشی کی کوشش کی خبر درست نہیں، وہ ٹھیک ہیں۔

Comments

یہ بھی پڑھیں