اسلام آباد: غیر ملکی سفیر کو خفیہ دستاویزات کی فراہمی کیس میں عدالت نے اے ایس آئی ظہور احمد کو سزا سنا دی۔
تفصیلات کے مطابق اسلام آباد پولیس کے اہلکار کے خلاف غیر ملکی سفیر کو خفیہ دستاویزات فراہم کرنے کے کیس میں اے ایس آئی ظہور احمد کے خلاف الزام ثابت ہونے پر عدالت نے انھیں 3 سال کی سزا سنا دی۔
کیس کی سماعت آفیشل سیکرٹ ایکٹ عدالت کے جج طاہر عباس سپرا نے کی، فیصلے کے بعد اے ایس آئی ظہور احمد کو کمرہ عدالت سے گرفتار کر لیا گیا، ان کے خلاف مقدمہ 13 دسمبر 2021 کو درج کیا گیا تھا، جب کہ ان کی ضمانت 22 جنوری 2022 کو منظور ہوئی تھی۔
مقدمے کے متن میں کہا گیا ہے کہ پولیس ملازم نے غیر ملکی سفارت کار سے ملاقات کی اور وہ پلاننگ کر کے ملکی سلامتی سے متعلق معلومات اور دستاویز غیر ملکیوں کے حوالے کرنے کا ارادہ رکھتا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں