ایشیا کپ 2018: بھارت افغانستان کا میچ سنسنی خیز مقابلے کے بعد برابر -
The news is by your side.

Advertisement

ایشیا کپ 2018: بھارت افغانستان کا میچ سنسنی خیز مقابلے کے بعد برابر

دبئی : افغانستان نے ایشیا کپ2018میں شاندار کارکردگی کا مظاہرہ کرتے ہوئے بھارت کیخلاف سپر فور کا آخری میچ برابر کردیا۔ جاتے جاتے افغان ٹیم نے شائقین کے دل جیت لیے۔

تفصیلات کے مطابق صحرائے عرب میں کھیلے جانے والے ایشیا کپ کے میلے کے سپر فور مرحلے تک رسائی حاصل کرنے والی ٹیم افغانستان نے جاتے جاتے کرکٹ شائقین کے دل جیت لیے۔

دبئی میں کھیلے گئے میچ میں افغان بلے باز بھارت کیخلاف جم کر کھیلے۔ اوپنر محمد شہزاد نے جارحانہ انداز اپنایا اور116گیندوں پر ایک سو چوبیس رنز کی اننگز کھیل ڈالی جس میں11چوکے اور سات چھکے بھی شامل تھے، انہیں مین آف دی میچ کا ایوراڈ دیا گیا، محمد نبی نے بھی ہمت نہ ہاری اور نصف سنچری اسکور کی۔

وکٹیں جلد کھونے کے باوجود افغان کرکٹ ٹیم مقررہ اوورز میں آٹھ وکٹوں کے نقصان پر دو سو باون رنز بناسکی۔ بھارت کی جانب سے رویندرا جدیجا نے سب سے زیادہ 3 کھلاڑیوں کو پویلین کی راہ دکھائی اور یادیو نے دو وکٹیں حاصل کیں جبکہ احمد، چاہار اور جادیو نے ایک ایک کھلاڑی کو آﺅٹ کیا۔

ہدف کے تعاقب میں بھارتی اوپنرز نے اچھا آغاز کیا لیکن جلد ہی افغان ٹیم کے اسپنرز نے بھارتی بیٹسمینوں کو قابو کرنا شروع کردیا، افغانستان ٹیم کے شاندار کم بیک نے بھارتیوں کو حواس باختہ کردیا۔

اسپنرز کا جادو چل گیا اور آخری اوور کی پانچویں گیند پر روندرا جڈیجا اونچا شاٹ کھیلتے ہوئے کیچ دے بیٹھے۔ اس طرح افغانستان اور بھارت کا مقابلہ برابر رہا۔ افغانستان کی جانب سے محمد نبی اورآفتاب عالم نے دو جبکہ راشد خان اور جاوید احمدی نے ایک ایک کھلاڑی کو آؤٹ کیا۔

Comments

comments

یہ بھی پڑھیں