ایشیا کپ میں ناقابل شکست پاکستان کرکٹ ٹیم نے ایونٹ کے بقیہ میچ کے لیے سری لنکا کے دارالحکومت کولمبو میں پڑاؤ ڈال لیا ہے۔
اے آر وائی نیوز کے مطابق قومی ٹیم ایشیا کپ کے سپر 4 مرحلے کے پہلے میچ میں بنگلہ دیش کو با آسانی شکست دینے کے بعد لاہور سے کولمبو پہنچ چکی ہے جہاں وہ ایونٹ کے بقیہ میچ کھیلے گی۔
گرین شرٹس بابر اعظم کی قیادت میں خصوصی طیارے کے ذریعے کولمبو پہنچے، کھلاڑی آج آرام کریں گے جب کہ ہفتے کو ٹریننگ سیشن میں حصہ لے کر اتوار کو شیڈول پاک بھارت ٹاکرے کی تیاری کریں گے۔
قومی ٹیم کے ساتھ بنگلہ دیش اور سری لنکا کی ٹیمیں بھی کولمبو پہنچ چکی ہیں جب کہ بھارتی ٹیم پہلے ہی کولمبو میں موجود ہے۔
📸 Snapshots from the team's arrival in Colombo 🛬#AsiaCup2023 | #BackTheBoysInGreen pic.twitter.com/xtN2ObRvRy
— Pakistan Cricket (@TheRealPCB) September 7, 2023
گرین شرٹس اتوار 10 ستمبر کو بھارت جب کہ جمعرات 14 ستمبر کو سری لنکا سے ٹکرائیں گے۔
کولمبو میں آئندہ دس روز تک بارشوں کے پیشگوئی کے باعث سپر فور اور فائنل کے متاثر ہونے کا خدشہ ہے۔
پاکستان ٹیم بنگلہ دیش کو با آسانی زیر کرکے پہلے ہی پوائنٹ ٹیبل پر سرفہرست ہے۔ اگر سپر فور کے تمام میچز بارش کے باعث منسوخ بھی ہوتے ہیں تب بھی قومی ٹیم فائنل میں پہنچ جائے گی جب کہ فائنل بارش کے باعث نہ ہونے یا نامکمل رہنے کی صورت میں دونوں فائنلسٹ ٹیموں کو ایشیا کپ کا مشترکہ فاتح قرار دیا جائے گا۔
