ایشیا کپ 2025 کے 9ویں میچ میں بنگلادیش نے افغانستان کو 8 رنز سے شکست دے دی جس کے بعد اس کے سپر فور میں جانے کی امید ہے۔
ابوظبی میں کھیلے گئے میچ میں بنگلادیش کی جانب سے دیے گئے 155 رنز کے تعاقب میں افغانستان کی ٹیم آخری اوور میں 146 رنز بنا کر آؤٹ ہوگئی۔
رحمان اللہ گرباز 35 اور عظمت اللہ عمرزئی 30 رنز بنا کر آؤٹ ہوئے، کپتان راشد خان 20 رنز بنا کر مستفیض الرحمان کا نشانہ بنے۔
View this post on Instagram
گلبدین نائب 16 اور محمد نبی 15 رنز بنا کر پویلین لوٹ گئے۔
بنگلادیش کی جانب سے مستفیض الرحمان نے تین کھلاڑیوں کو آؤٹ کیا، نسم احمد اور رشاد حسین نے دو، دو وکٹیں حاصل کیں۔
View this post on Instagram
اس سے قبل بنگلادیش نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 154 رنز بنائے تھے، تنزید حسن نے 52 رنز کی شاندار اننگز کھیلی۔
سیف حسن 30 اور توحید ہردوئے 26 رنز بنا کر نمایاں رہے۔
افغانستان کی جانب سے راشد خان اور نور احمد نے 2، 2 کھلاڑیوں کو آؤٹ کیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں