سابق کرکٹر باسط علی نے ایشیاکپ کے فائنل میں بھارت کے خلاف فلاپ بیٹنگ اور ناقص حکمت عملی ہیڈکوچ کو ہٹانے کا مطالبہ کر دیا۔
اے آر وائی نیوز کے پروگرام میں گفتگو کرتے ہوئے باسط علی نے کہا کہ پاکستان اگر جیت بھی جائے تو کہوں گا ہیڈکوچ کو ہٹائیں، ہیڈکوچ کو یہ نہیں پتا کہ اچھے اسٹارٹ کے بعد کیا کرنا ہے۔
انہوں نے کہا کہ سلمان علی آغا ٹی ٹوینٹی کا کھلاڑی نہیں اس کو بیٹنگ کےلیے بھیج دیا، ہیڈکوچ کے فیصلے سمجھ نہیں آتے ان کی انکوائری ہونی چاہیے، ہیڈکوچ کو کیا آئی پی ایل میں نوکری کرنی ہے؟
ایشیاکپ فائنل: اچھے آغاز کے بعد پاکستانی بیٹرز پھر سے فلاپ، بھارت کو 147 رنز کا ٹارگٹ
ان کا کہنا تھا کہ پاکستان نے جس طرح وکٹیں گنوائیں افسوس ہوتا ہے آج کے میچ میں لیفٹ رائٹ کا کمبی نیشن کیوں نہیں چلایا، ٹیم میں اس طرح کے فیصلے کر کے پاکستان کے عوام سے کھیل رہے ہیں، ہمارے بڑوں کو اب آنکھیں کھولنی چاہیے وزیراعظم، چیئرمین پی سی بی پوچھیں، وزیراعظم اور چیئرمین پی سی بی کو ٹیم کی کارکردگی سے متعلق پوچھنا چاہیے۔
سابق کرکٹر نے کہا کہ ڈوبے جیسے بولر کو پاکستانی بیٹرز پاور پلے میں اچھا نہیں کھیل سکے، ہم میدان کے سپاہی تھے جان لڑاتا تھے آج بھی ڈوبے جیسے بولرز کو اچھی شارٹس کھیل سکتا ہوں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں