ایشیا کپ کا آخری امتحان آج ہوگا، دو روایتی حریف بھارت اور پاکستان مدمقابل ہوں گے، دبئی میں ایشیا کپ کے حتمی معرکے کا میدان آج سجے گا 41 سالہ تاریخ میں پہلی بار پاک بھارت ایشیا کپ فائنل ہوگا۔
ایشیا کپ 2025 کے دبئی میں ہونے والے فائنل میں نہ صرف میدان میں تاریخ رقم ہوگی بلکہ ریکارڈ توڑ انعامی رقم بھی تقسیم کی جائے گی، ٹورنامنٹ جیتنے والی ٹیم کو 300,000 ڈالرز(2 کروڑ 60 لاکھ) جبکہ رنر اپ ٹیم 150,000 ڈالرز(ایک کروڑ 30 لاکھ) حاصل کرے گی، ٹورنامنٹ میں بہترین کارکردگی دکھانے والے کھلاڑیوں کو بھی نوازا جائے گا۔
یہ انعامی رقم پچھلے ٹورنامنٹس کے مقابلے میں نمایاں ہے، 2023 کے ون ڈے فارمیٹ ایشیا کپ میں چیمپئن ٹیم کو 250,000 ڈالرز ملے تھے، جبکہ 2022 کے فاتحین کو 200,000 ڈالرز دیے گئے تھے۔
فاتح ٹیم کو ایشیا کپ کی تاریخ کی سب سے زیادہ انعامی رقم سے نوازا جائے گا جبکہ رنر اپ کی 150,000 ڈالرز کی رقم بھی ٹورنامنٹ کے بڑھے ہوئے مالی مراعات کی عکاسی کرتی ہے۔
ٹورنامنٹ میں بہترین کارکردگی دکھانے والے کھلاڑی کو بھی نوازا جائے گا، ’پلیئر آف دی سیریز‘ کا انعام 12.5 لاکھ روپے ہے، جو شائقین کے لیے دلچسپی اور کھلاڑیوں کی کارکردگی کا اعتراف ہے۔
یاد رہے کہ پاکستان اور بھارت میں 2007 سے اب تک 15 ٹی 20 میچز کھیلے جا چکے ہیں، جن میں 12 مرتبہ بھارت اور 3 مرتبہ پاکستان فاتح رہا ہے۔
ایشیا کپ 2025: پاکستان اور بھارت کے درمیان فائنل آج ہوگا، گرین شرٹس جیت کیلئے پُرعزم
اے آر وائی نیوز کی ڈیجیٹل ڈیسک کی جانب سے شائع کی گئی خبریں