ابوظہبی (24 ستمبر 2025) ایشیا کپ کے سپر فور مرحلے میں پاکستان اور سری لنکا کے میچ میں دونوں جانب سے اسپورٹس مین اسپرٹ کا اعلیٰ مظاہرہ کیا۔
یو اے ای میں کھیلے جا رہے ایشیا کپ 2025 میں بھارتی ٹیم کی جانب سے بغض پاکستان میں اسپورٹس مین اسپرٹ کی دھجیاں بکھیرے جانے کی خبریں شہ سرخیوں میں جگہ پا رہی ہیں۔
جنٹلمیں گیم کہلائے جانے والے کرکٹ کے کھیل میں بھارتی کھلاڑی حسب روایت میچ میں پاکستانی کرکٹرز سے ہاتھ نہیں ملا رہے اور سیاسی گفتگو کر کے بھی ماحول پراگندہ کر رہے ہیں۔
تاہم جہاں بھارت کی جانب سے اسپورٹس مین اسپرٹ اور اخلاقی قدروں کی دھجیاں بکھیری جا رہی ہیں۔ وہیں پاکستان اور سری لنکا کے درمیان میچ میں اسپورٹس مین اسپرٹ کی اعلیٰ ترین مثال قائم کر کے بھارتیوں کو ان کا اصل چہرہ دکھایا گیا۔
ایسا نہیں کہ اس میچ میں حریفوں کے درمیان گرما گرمی نہیں ہوئی۔ سری لنکا کی بیٹنگ میں جب ابرار احمد نے ہسارنگا کو بولڈ کیا تو ان ہی کے انداز کی نقل اتار کر جشن منایا۔
View this post on Instagram
جب گرین شرٹس کی بیٹنگ آئی تو ہسارنگا نے ہاتھوں ہاتھ بدلہ اتار دیا اور پاکستانی بیٹر کو آؤٹ کرنے کے بعد ابرار کے ایکشن کی نقل کر دی۔
View this post on Instagram
تاہم میچ ختم تو گرما گرمی بھی ختم۔ دونوں ٹیموں کے کھلاڑیوں نے ایک دوسرے سے مذاق کیا اور کھیل کو کھیل رہنے دیا۔ وہ بچوں کی طرح ڈریسنگ روم نہیں بھاگے۔ بلکہ میدان میں کھڑے رہے۔
View this post on Instagram
دوسری جانب سوشل میڈیا پر ابرار احمد اور ہسارنگا کے اسٹائل کے چرچے رہے۔ کسی نے لکھا کہ یہ ہوتی ہے، اسپورٹس مین اسپرٹ اور کسی نے کہا کہ ہر ایکشن کا ری ایکشن ہوتا ہے۔
پاکستان اور بھارت دونوں ملکوں سے کھیلنے والے کرکٹرز اور ان کے ناقابل شکست ریکارڈز
