بھارت نے ایشیا کپ کے فائنل میں سری لنکا کو روندتے ہوئے 10 وکٹوں سے فتح اپنے نام کرلی، 51 رنز کا معمولی ہدف ساتویں اوور میں حاصل کرلیا.
تفصیلات کے مطابق کولمبو کے پریماداسا کرکٹ اسٹیڈیم میں کھیلا گیا فائنل محض تین گھنٹوں میں اپنے اختتام کو پہنچ گیا، بھارتی سورماؤں نے سری لنکا کو 10 وکٹوں سے ہرادیا، 51 رنز کے ہدف کے تعاقب میں ایشان کشن 23 اور شبمن گل 27 رنز بنا کر ناٹ آؤٹ رہے۔
اس سے قبل فائنل میں آئی لینڈرز نے ٹاس جیت کر پہلے بیٹنگ کرنے کا غیردانشمندانہ فیصلہ کیا۔بھارتی بولرزبالخصوص فاسٹ بولر محمد سراج سری لنکا پر قہر بن کرگرے، پوری سری لنکن ٹیم 16ویں اوور میں 50 رنز ہر اپنی بساط لپیٹ کر پویلین چلتی بنی۔
جسپریت بمراہ نے سری لنکا کے کوشل پریرا کو ایک کے مجموعے پر چلتا کی۔ اس کے بعد محمد سراج سری لنکن بیٹنگ کے لیے ڈراؤنہ خواب ثابت ہوئے۔ سراج نے 8 کے مجموعے پر سدیرا سمارا وکراما، پاتھم نسانکا اور چریتھ اسالانکا کو آؤٹ کیا۔
W . W W 4 W! 🥵
Is there any stopping @mdsirajofficial?! 🤯The #TeamIndia bowlers are breathing 🔥
4️⃣ wickets in the over! A comeback on the cards for #SriLanka?Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/Lr7jWYzUnR
— Star Sports (@StarSportsIndia) September 17, 2023
12 کے مجموعے پر محمد سراج اننگز میں اپنی 5 وکٹیں مکمل کرچکے تھے جب انہوں نے دھننجیا ڈی سلوا اور داسن شناکا کو پویلین کی راہ دکھائی۔ 33 کے اسکور پر سراج نے کوشل مینڈس کو آؤٹ کرکے سری لنکا کی رہی سہی امید بھی ختم کردی۔
سراج نے مجموعی طور پر 21 رنز دے کر 6 وکٹیں حاصل کیں جب کہ ؤان کا ساتھ دیتے ہوئے ہادریک پانڈیا نے محض تین رنز کے عوض 3 بیٹرز کو آؤٹ کیا۔
