ایشیا کپ کل سے شروع ہو رہا ہے لاہور میں ہونے والے میچز کی سیکیورٹی کی نگرانی 600 سے زائد خفیہ کیمروں سے کی جائے گی۔
اے آر وائی نیوز کے مطابق ایشیا کپ کل سے شروع ہو رہا ہے افتتاحی میچ ملتان میں پاکستان اور نیپال کے درمیان کھیلا جائے گا۔ ایونٹ کے پاکستان میں کھیلے جانے والے چار میچز میں سے تین کی میزبانی قذافی اسٹیڈیم کرے گا۔
پنجاب سیف سٹیز اتھارٹی اور لاہور پولیس نے ایشیا کپ کے ان میچز کی سیکیورٹی کے لیے خصوصی اقدامات کیے ہیں۔ ایئرپورٹ سے ہوٹل اور اردگرد کے تمام روٹس کی 24 گھنٹے سیف سٹیز کیمروں سے نگرانی جاری ہے جب کہ میچز کے موقع پر بھی سیکیورٹی کے لیے 600 سے زائد کیمروں سے مانیٹرنگ کی جائے گی۔
ہوٹل سے قذافی اسٹیڈیم اور اسٹیڈیم سے ہوٹل تک آپریشنز اینڈ مانیٹرنگ سینٹر سے سرویلنس کی جا رہی ہے۔
ایشیائی کرکٹ پر حکمرانی کی جنگ کل چھڑے گی
اس حوالے سے ایس پی ارسلان زاہد نے بتایا کہ سیف سٹی سینٹرمیں 200 پولیس کمیونیکیشن افسران اور فیلڈ میں ٹیکنیکل ٹیمیں فرائض انجام دے رہی ہیں۔ پی آر یو گاڑیوں پر نصب سیف سٹیز کیمروں سے بھی روٹس کی مانیٹرنگ جاری ہے۔ سیف سٹی ایف ایم 88.6 کے ذریعے شہریوں کو ٹریفک کی صورتحال سے آگاہ رکھا جا رہا ہے۔