ایشیاکپ ٹی20 : بنگلہ دیش نے سری لنکا کو23 رنزسے شکست دے دی -
The news is by your side.

Advertisement

ایشیاکپ ٹی20 : بنگلہ دیش نے سری لنکا کو23 رنزسے شکست دے دی

ڈھاکہ : ایشیا کپ ٹی ٹوئنٹی میں بنگال ٹائیگرز نے سری لنکا کو باآسانی تئیس رنز سے شکست دے دی۔ بنگلادیش نے ٹی ٹوئنٹی ورلڈ اور دفاعی چیمیئن سری لنکا کو آؤٹ کلاس کردیا۔

تفصیلات کے مطابق بنگلہ دیش نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 147 رنز بنائے جس کے تعاقب میں سری لنکن ٹیم مقررہ اوور میں 8 وکٹوں کے نقصان پر 124 رنز ہی بنا سکی۔

بنگلادیشی کپتان کا ٹاس جیت کربیٹنگ کرنے کا فیصلہ اس وقت تک غلط ثابت ہواجب صرف دو رنزپربنگلادیشی اوپنرزپویلین لوٹ گئے۔ لیکن شبیررحمان اورشکیب الحسن کی بیاسی رنزکی شراکت نے میچ بنگال ٹائیگرز کے حق میں کردیا۔

شبیررحمان کےاسی رنزکی بدولت بنگلادیش نےمقررہ اوورز میں سات وکٹ پرایک سو سینتالیس رنزبنائے۔ ہدف کے تعاقب میں سری لنکا کاآغاز سست لیکن پراعتماد رہا۔

ایک موقع پرسری لنکا کا چھہتررنزپرایک ہی کھلاڑی آؤٹ تھا۔ بنگلادیشی بولرزنے کم بیک کیا اوریکے بعد دیگرے وکٹیں لے کر سری لنکا کو مشکل میں ڈال دیا۔

میتھوز اورپریرا سب ہی فیل ہوگئے۔ سری لنکن ٹیم مقررہ اوورزمیں آٹھ وکٹ پرایک سو چوبیس رنزبناسکی۔ الامین حسین نے تین اورشکیب الحسن نے دو وکٹیں گرائیں۔ شبیررحمان کو مین آف دی میچ کا ایوارڈ دیاگیا۔

 

Comments

comments

یہ بھی پڑھیں