کراچی: بین الاقوامی شہرتِ یافتہ پاکستانی اداکارہ ماہرہ خان اور مہوش حیات نے ایشیا کی پرکشش خواتین کا اعزاز اپنے نام کرلیا۔
برطانوی جریدے ایسٹرن آئی کی جانب سے سال 2019 کی ایشیا سے تعلق رکھنے والی پرکشش خواتین کی فہرست جاری کی گئی جس کے ٹاپ ٹین میں دو پاکستانی اداکارائیں بھی جگہ بنانے میں کامیاب ہوئیں۔
فہرست میں عالیہ بھٹ پہلے، دپیکا پڈوکون دوسرے، حنا خان تیسرے، پاکستانی اداکارہ ماہرہ خان چوتھے، سربھی چندانا پانچویں، کترینہ کیف چھٹے، شیوانگی جوشی ساتویں، نیا شرما آٹھویں، ستارہ امتیاز حاصل کرنے والی پاکستانی اداکارہ مہوش حیات نویں اور پریانکا چوپڑا دسویں پوزیشن حاصل کرسکیں۔
برطانوی جریدے نے جو فہرست جاری کی اُس میں 50 خواتین کے نام شامل ہیں، ادارے کی جانب سے ووٹنگ کروائی گئی جس کے بعد فہرست کی درجہ بندی کو مرتب کیا گیا۔
50 Sexiest Asian Women of 2019 TOP 7
1. Alia Bhatt
2. Deepika Padukone
3. Hina Khan
4. Mahira Khan
5. Surbhi Chandna
6. Katrina Kaif
7. Shivangi Joshi
Sexiest Asian Woman of Decade TOP 5
1. Deepika Padukone
2. Priyanka Chopra
3. Mahira Khan
4. Katrina Kaif
5. Drashti Dhami
— Asjad Nazir (@asjadnazir) December 11, 2019
ڈرامہ انڈسٹری سے بالی ووڈ تک کا سفر کرنے والی ماہرہ خان گزشتہ پانچ برس سے ٹاپ ٹین فہرست میں جگہ بنا رہی ہیں جبکہ گزشتہ برس دس خواتین میں اداکارہ صنم سعید کا بھی نام تھا البتہ اب اُن کی جگہ مہوش حیات نے لے لی۔
ایسٹرن آئی کے ایڈیٹر اسجد نظیر کا کہنا تھا کہ ’اس فہرست کا تعلق تمام خواتین کے ساتھ ہے، ہم جتنا انہیں حقوق دیں گے دنیا بھر میں اتنا ہی ابھر کر یہ سامنے آئیں گی‘۔
