The news is by your side.

Advertisement

کرونا وائرس ، ایشیائی ترقیاتی بینک کا پاکستان کی مدد کا اعلان

اسلام آباد : ایشیائی ترقیاتی بینک نے کرونا وائرس سے نمٹنے کے لیے پاکستان کی مدد کا اعلان کردیا، بینک پاکستان کو 5  کروڑ ڈالر دے گا۔

تفصیلات کے مطابق ایشیائی ترقیاتی بینک کرونا وائرس سے نمٹنے کے لیے پاکستان کو پانچ کروڑ ڈالر فراہم کرے گا، پاکستان کو یہ رقم فوری جاری کئے جانے کا امکان ہے۔

اعلامیہ کے مطابق رقم پاکستان کے نیشنل ڈیزاسٹررسک مینجمنٹ کے ادارے کو دی جائے گی، ایشیائی ترقیاتی بینک کرونا سےنمٹنےکیلئے مجموعی طور پر 35 کروڑ ڈالر پاکستان کودے گا۔

اس سے قبل عالمی بینک نے بھی پاکستان کو 18 کروڑ80 لاکھ ڈالر دینے کا اعلان کیا تھا۔

یاد رہے ایشیائی ترقیاتی بینک نے کرونا وائرس سے پیدا ہونے والی صورتحال کو سنگین قرار دیتے ہوئے کہا تھا کہ عالمی معیشت کو 347 ارب ڈالر تک کا نقصان ہوسکتا ہے۔

مزید پڑھیں : کرونا وائرس کے باعث عالمی معیشت کو 347 ارب ڈالر تک کا نقصان ہوسکتا ہے، اے ڈی بی

اے ڈی بی کا کہنا تھا کہ کرونا وائرس کے باعث پاکستانی معیشت کو بھی خطرات ہوسکتے ہیں، پاکستانی معیشت کو ممکنہ طور 4 ارب 95 کروڑ ڈالر نقصان کا خدشہ ہے اور پاکستان میں تقریبا ٔ9 لاکھ سے زائد افراد بے روزگار ہوسکتے ہیں۔

رپورٹ کے مطابق زرعی شعبے کو ڈیڑھ ارب ڈالر سے زائد کا نقصان اور بزنس، تجارت، پرسنل، پبلک سروسز کو1 ارب 94کروڑ ڈالر نقصان کا خدشہ ہے جبکہ ہوٹل، ریسٹورنٹ، مینوفیکچرنگ اور تعمیرات بھی متاثر ہوسکتی ہیں۔

ایشیائی ترقیاتی بینک نے کہا تھا عالمی معاشی شرح نمو میں صفر اعشاریہ چار فیصد تک کی کمی کاخدشہ ہے، یہ تخمینہ بدترین صورتحال کو مد نظر رکھتے ہوئے لگایاگیا ہے، سفری پابندیوں کے باعث عالمی سطح پر ایک سوچھپن ارب ڈالر کا نقصان ہوچکاہے۔

رپورٹ میں کہا گیا تھا چین کو ہونے والے نقصانات کا حجم ایک سوتین ارب ڈالرہے، ڈویلپنگ ایشیائی ممالک کےنقصانات کاحجم بائیس ارب ڈالر تک ہوسکتا ہے۔

fb-share-icon0
Tweet 20

Comments

comments

یہ بھی پڑھیں