دبئی: متحدہ عرب امارات کی ریاست دبئی کی سڑک پر پیسے لٹانا ایشیائی شہری کو مہنگا پڑ گیا۔
خلیج ٹائمز کی رپورٹ کے مطابق دبئی کی سڑک پر پیسے لٹانے والے ایشیائی شہری نے اپنی ویڈیو سوشل میڈیا پر وائرل کی تو اسے دبئی پولیس نے گرفتار کرلیا۔
[bs-quote quote=”یو اے ای کے شہری سوشل میڈیا پر اس طرح کے اقدام سے گریز کریں” style=”style-8″ align=”left” author_name=”کرنل القاسم”][/bs-quote]
دبئی پولیس کے مطابق ملزم کا کہنا ہے کہ اس نے یہ اقدام سوشل میڈیا پر شہرت حاصل کرنے کے لیے کیا، پولیس کی جانب سے مذکورہ شخص کی شناخت ظاہر نہیں کی گئی ہے۔
پولیس میڈیا ڈیپارٹمنٹ کے ڈائریکٹر سیکیورٹی کرنل فیصل القاسم کے مطابق عوام کو سوشل میڈیا کے حوالے سے اپنی ذمہ داریوں کا احساس کرنا ہوگا۔
دبئی پولیس کی جانب سے یہ ظاہر نہیں کیا گیا ہے مذکورہ شخص جو کرنسی لٹا رہا تھا وہ اماراتی درہم ہیں یا کسی دوسرے ملک کی کرنسی ہے۔
انہوں ںے کہا کہ شہری متحدہ عرب امارات کے قانون کی پاسداری کرتے ہوئے اس طرح کے اقدام سے گریز کریں۔
کرنل فیصل القاسم نے کہا کہ یو ای اے میں اس طرح کی حرکت کرنے والوں کو بھاری جرمانے اور قید کا سامنا کرنا پڑسکتا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں