The news is by your side.

Advertisement

ایشین نیٹ بال چیمپیئن شپ: امپائرکا غلط فیصلہ، پاکستان چیمپیئن بننے سے محروم

کراچی : ایشین نیٹ بال چیمپیئن شپ میں سلور میڈل جیتنے کے بعد پاکستان ٹیم وطن واپس پہنچ گئی، کراچی ائیر پورٹ پر ٹیم کا شاندار استقبال کیا گیا، کپتان نے بتایا کہ امپائر کے غلط فیصلے نے بھارت کو چیمپیئن بنایا۔

تفصیلات کے مطابق ملائیشیا کے شہر کوالالمپور میں ہونے والی ایشین نیٹ بال چیمپیئن شپ میں سلوار میڈل حاصل کرنے والی پاکستانی ٹیم وطن واپس آگئی، کراچی ایئرپورٹ پر رنر اپ ٹیم کا والہانہ استقبال کیا گیا۔

اس موقع پر میڈیا سے گفتگو کرتے ہوئے ٹیم کے کپتان محمد اختر نے بتایا کہ امپائر کے غلط فیصلے نے بھارت کو چیمپیئن بنا دیا۔

کپتان نے کہا کہ پاکستان نیٹ بال ٹیم نے کوالالمپور میں ہونے والی ایشین چیمپیئن شپ میں چھ میں سے پانچ میچز جیتے اور فائنل میں مقابلہ بھارت سے ہوا۔

بدقسمتی سے کھیل کے آخری لمحات میں امپائر نے غلط فیصلہ دے کر پاکستان کو چیمپیئن بننے سے محروم کردیا، اگلے ایڈیشن میں بھارت سے حساب برابر کردیا جائے گا۔

صحافیوں سے بات چیت کرتے ہوئے پاکستان نیٹ بال فیڈ ریشن کے صدر مدثرآرائیں نے بتایا کہ فتح کے قریب پہنچ کر امپائر کے ایک غلط فیصلے نے پاکستان کو چیمپیئن بننے سے محروم کردیا۔

امپائر کے غلط اقدام کیخلاف ایشین نیٹ بال کے جنرل باڈی اجلاس میں شکایت جمع کرائی جائیگی۔

Print Friendly, PDF & Email

Comments

comments

یہ بھی پڑھیں