تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

ایشیائی لوگ فیس بک کے زیادہ شیدائی نکلے

کیلی فورنیا: فیس بک نے اعلان کیا ہے کہ دنیا بھر میں اس کے سب سے زیادہ یوزر یورپ یا امریکا میں نہیں بلکہ براعظم ایشیا میں ہیں جہاں روزانہ تقریباً 40 کروڑ افراد روزانہ اپنا فیس بک اکاؤنٹ استعمال کرتے ہیں۔

سماجی رابطے کی ویب سائٹ فیس بک انتظامیہ کی جانب سے گزشتہ چند روز قبل جاری کردہ اعدادوشمار کے مطابق فیس بک کے سب سے زیادہ صارف ایشیاء میں پائے جاتے ہیں جہاں روزانہ 39 کروڑ 60 لاکھ افراد اس سوشل ویب سائٹ کو استعمال کرتے ہیں۔

انتظامیہ کے مطابق گزشتہ 2 برس کے دوران براعظم ایشیا میں فیس بک کے صارفین میں 57 فیصد اضافہ ہوا ہے جو کہ کسی بھی خطے میں موجود فیس بک کے صارفین کی تعداد میں تیز ترین اضافہ ہے۔

غیر ملکی میڈیا کے مطابق فیس بک انتظامیہ نے اپنی آمدنی کی رپورٹ جاری کی ہے جس کے مطابق گزشتہ سال فیس بک نے ریکارڈ منافع حاصل کیا جس کے باعث فیس بک کے حصص کی قیمت میں 2.2 فیصد اضافہ دیکھنے میں آیا جب کہ ایشیاء میں فیس بک کی آمدنی میں بھی 15 ماہ کے دوران دُگنا اضافہ ہوا۔

فیس بک اعلامیے کے مطابق روزانہ کی بنیاد پر ایک ارب 23 کروڑ افراد اپنی آئی ڈیز پر آتے ہیں، صارفین کی بڑھتی ہوئی تعداد کو دیکھتے ہوئے انتظامیہ نے اس امید کا اظہارکیا ہے کہ کسی بھی وقت فیس بک 2 ارب کا ہندسہ عبور کرسکتی ہے۔

Comments

- Advertisement -