site
stats
بزنس

ٹرمپ کی ممکنہ فتح: ایشیائی اسٹاک مارکیٹوں میں مندی

امریکی انتخابات کے غیر متوقع نتائج کے مطابق ڈونلڈ ٹرمپ کے اگلے امریکی صدر بننے کے امکانات روشن ہوگئے ہیں جس کے بعد ایشیائی اسٹاک مارکیٹوں میں شدید مندی دیکھی جارہی ہے۔ دنیا بھر کے سرمایہ کار بھی پریشانی میں مبتلا ہوگئے۔

امریکی صدارتی انتخابات کے نتائج کا سلسلہ جاری ہے اور اب تک کے نتائج کے مطابق ڈونلد ٹرمپ کو واضح برتری حاصل ہے۔

گزشتہ روز ہیلری کے کامیاب ہونے کی امید پر دنیا بھر کی اسٹاک مارکیٹوں میں تیزی دیکھی گئی تھی۔ مگر آج صبح غیر متوقع نتائج کے باعث ایشیائی اسٹاک مارکیٹ مندی کا شکار ہوگئی۔

ڈونلڈ ٹرمپ کی ممکنہ فتح کے خدشے کے پیش نظر ایشیائی اسٹاک مارکیٹوں میں مندی کی لہر دوڑ گئی۔ میکسیکن پیسو اور امریکی ڈالر کی قدر میں کمی دیکھی گئی جبکہ خام تیل سستا اور سونا مہنگا ہوگیا۔

جاپانی اسٹاک مارکیٹس میں 4 فیصد کمی ریکارڈ کی گئی۔ ہانگ کانگ اسٹاک مارکیٹ میں ساڑھے 600 پوائنٹس کی مندی دیکھی گئی۔ بھارتی اسٹاک مارکیٹ کا آغاز ہی 1500 پوائنٹس کی مندی سے ہوا۔

پاکستان اسٹاک مارکیٹ میں بھی ٹریڈنگ کے دوران ساڑھے 700 پوائنٹس کی کمی ریکارڈ کی گئی۔

دوسری جانب امریکی اور میکسیکن کرنسی کی قدر میں کمی ہوئی۔ امریکی ڈالر کی قدر جاپانی ین کے مقابلے میں ساڑھے تین فیصد اور یورو کے مقابلے دو فیصد میں گر گئی۔ میکسیکن پیسو کی قدر میں 10 فیصد کمی ہوئی۔

خام تیل کی قیمت میں بھی ایک ڈالر کی کمی جبکہ سونے کی قیمت میں 51 ڈالر کا اضافہ ریکارڈ کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top