The news is by your side.

Advertisement

2018 کے انتخابات میں پوری تیاری سے حصہ لیں گے، آصف زرداری

اسلام آباد: سابق صدر آصف علی زرداری نے کہا ہے کہ 2018 کے عام انتخابات میں پوری تیاری سے حصہ لیں گے۔

تفصیلات کے مطابق پیپلز پارٹی کے شریک چیئرمین کا کہنا تھا کہ پیپلزپارٹی کا ہر کارکن انتخابات کوانتخابات سمجھ کرلڑے گا، کارکن آج ہی سے سرگرم ہوجائیں، پی پی کوعوام کی طاقت پر بھروسا ہے۔

میڈیا سے گفتگو کرتے ہوئے آصف زرداری نے کہا کہ پاکستان پیپلزپارٹی عوام کو طاقت کا سرچشمہ سمجھتی ہے، ہماری ترجیح عوام کے مسائل کا حل ہے، ہماری توجہ مسائل کے حل کرنے پر ہوتی ہے۔

آصف علی زرداری نے کہا کہ اقتدارمیں آکر نوجوانوں کے لیے روزگار کے مواقع پیدا کریں گے، موجودہ حکومت نےعوام کی مشکلات میں بے پناہ اضافہ کردیا ہے۔قبل ازیں انھوں نے پنجاب کو پی پی کا قلعہ قرار دیتے ہوئے کہا تھا کہ پنجاب ہم سے کوئی نہیں چھین سکتا۔

پنجاب پیپلزپارٹی کا قلعہ تھا، آج بھی ہے اور ہمیشہ رہے گا: آصف زرداری

واضح رہے کہ تیس مئی کو مسلم لیگ ن کی حکومت کی مدت پوری ہورہی ہے جس کے بعد نئے انتخابات کا سلسلہ شروع ہوگا، سیاسی جماعتوں نے انتخابات میں حصہ لینے کے لیے زور و شور سے تیاریاں شروع کردی ہیں۔

خیال رہے کہ نئے انتخابات کے سلسلے میں عمران خان کے جلسے نے ملک بھر کی سیاسی فضا میں ہل چل مچادی ہے، ایم ایم اے نے بھی مینار پاکستان میں 13 مئی کو بڑا جلسہ کرنے کا اعلان کردیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں