کراچی: سابق صدر اور پیپلزپارٹی کے شریک چیئرمین آصف علی زرداری کی جعلی اکاؤنٹس کیس میں ضمانت قبل از وقت گرفتاری منظورکرلی گئی۔
تفصیلات کے مطابق سابق صدر آصف علی زرداری کراچی کی بینکنگ کورٹ میں پیش ہوئے جہاں عدالت نے 20 لاکھ روپے کی عوض ان کی عبوری ضمانت منظورکی۔
سابق صدر کراچی کی بینکنگ کورٹ میں پیش ہوئے جہاں عدالت نے 20 لاکھ روپے کے عوض ان کی عبوری ضمانت منظور کی۔
بینکنگ کورٹ نے سابق صدر آصف علی زرداری کی 15 دن کی حفاظتی ضمانت منطور کی۔
اس سے قبل بینکنگ کورٹ آمد کے موقع پرصحافی نے سابق صدر سے سوال کیا کہ آپ ہیلی کاپٹر میں نہیں آئے جس پرانہوں نے جواب دیا کہ آپ کچھ دیر رکیں میں ہیلی کاپٹرمیں واپس آتا ہوں۔
آصف علی زرداری کی عدالت آمد سے قبل بم ڈسپوزل اسکواڈ نے عدالت کا معائنہ کیا جس کے بعد کورٹ کو کلیئرقرار دیا گیا۔
یاد رہے کہ اس سے قبل بینکنگ کورٹ نے آصف علی زرداری کے وارنٹ گرفتاری جاری کیے تھے جس پرانہوں نے اسلام آباد ہائی کورٹ سے حفاظتی ضمانت حاصل کی تھی جس پرعدالت نے انہیں 3 ستمبرتک متعلقہ ٹرائل کورٹ میں پیش ہونے کا حکم دیا تھا۔
آصف علی زرداری اور فریال تالپور ایف آئی اے میں پیش
واضح رہے کہ رواں ہفتے 27 اگست کو منی لانڈرنگ کیس میں سابق صدر آصف علی زرداری اور ان کی ہمشیرہ فریال تالپور نے ایف آئی اے کے سامنے پیش ہوکر بیان ریکارڈ کرایا تھا۔
