The news is by your side.

Advertisement

نیویارک میں مبینہ فلیٹ : آصف علی زرداری کی ضمانت منظور

اسلام آباد : ہائیکورٹ نے پاکستان پیپلزپارٹی کے شریک چیئرمین آصف علی زرداری کی درخواست ضمانت منظور کرلی، انہوں نے ضمانت قبل از گرفتاری کی درخواست جمع کرائی تھی۔

آصف زرداری کی نیویارک میں مبینہ فلیٹ سے متعلق نیب کی انکوائری کا معاملہ پر اہم پیش رفت سامنے آئی ہے، چیف جسٹس اطہر من اللہ اور جسٹس عامر فاروق نے آج درخواست پر سماعت کی۔

سماعت کے موقع پر آصف زرداری خود عدالت کے روبرو پیش ہوئے، فریقین کی جانب سے دلائل دیئے گئے، اسلام آباد ہائی کورٹ نے آصف زرداری کی درخواست ضمانت منظور کرلی ہے۔

قبل ازیں گزشتہ سماعت کے موقع پر اسلام آباد ہائیکورٹ نے آصف علی زرداری کو آج بروز بدھ طلب کیا تھا۔ چیف جسٹس اطہر من اللہ اور جسٹس عامر فاروق نے آج درخواست پر سماعت کی ہے۔

چیف جسٹس نے استفسار کیا کہ کیا آصف علی زرداری ضمانت قبل از گرفتاری مانگ رہے ہیں؟ جس پر سابق صدر کے وکیل فاروق ایچ نائیک نے کہا کہ آصف علی زرداری اسپتال میں زیرعلاج ہیں، حاضری سے استثنیٰ کی درخواست دی ہے۔ وکیل نے کہا کہ اگرعدالت طلب کرے گی تو آصف علی زرداری روبرو پیش ہو جائیں گے۔

چیف جسٹس اطہر من اللہ نے کہا کہ یہ کیس باقیوں کیلئے بھی مثال نہ بن جائے نا۔ عدالت نے آصف علی زرداری کو آئندہ سماعت پر طلب کرتے ہوئے سماعت ملتوی کردی تھی۔

خیال رہے کہ نیب نے سابق صدر آصف علی زرداری سے جواب مانگ لیا ہے کہ نیویارک میں جائیداد کیسے بنائی؟ نیب نے نیویارک فلیٹ سے متعلق آصف زرداری کو سوالنامہ اور معلومات کے حصول کیلئے نوٹس بھجوایا ہے۔

Comments

یہ بھی پڑھیں