تازہ ترین

میاں صاحب خلائی مخلوق کو استعمال کرتے رہے ہیں، اب وہی ان کا نام بتائیں: آصف زرداری

لاہور: پاکستان پیپلزپارٹی کے شریک چیئرمین آصف علی زرداری نے کہا ہے کہ میاں صاحب نے جمہوریت کو ناقابل تلافی نقصان پہنچایا،ہم نے جمہوریت کے لئے قربانیاں دیں۔

تفصیلات کے مطابق سابق صدر نے لاہور میں میڈیا سے گفتگو کرتے ہوئے کہا کہ ہم جیل گئے، بے نظیر اور ذوالفقار بھٹو کی شہادت جمہوریت کے لئے تھی۔

انھوں نے سابق وزیر اعظم کو آڑے ہاتھ لیتے ہوئے کہا کہ میاں صاحب خلائی مخلوق کو استعمال کرتے رہے ہیں، وہی اب ان کا نام بتائیں۔

انھوں نے کہا کہ جب نوازشریف خلائی مخلوق کو استعمال کررہے تھے، ہم جمہوریت کے لئے قربانیاں دے رہے تھے، ہم اپوزیشن اور حکومت دونوں ہی میں بیٹھنے کے لیے تیار ہیں.

انھوں نے کہا کہ الیکشن وقت پرہوں گے اور وقت ہی پر ہونے چاہییں، پہلے بھی گرمیوں اور رمضان میں ہم نے الیکشن لڑے ہیں، اب بھی تیار ہیں۔

 آصف زرداری نے مزید کہا کہ سینیٹ الیکشن میں ضرورت تھی، تو پی ٹی آئی سے اتحاد کیا، الیکشن کے بعد ضرورت پڑی، تو عمران خان سے اتحاد کیا جاسکتا ہے۔

انھوں نے موجودہ حالات میں کچھ بھی ہوسکتا ہے، ہم نےماضی میں بھی حکومتیں کی ہیں، ہمیں کوئی شوق نہیں ہم وزیراعظم یا صدر ہاؤس دیکھیں۔

یاد رہے کہ  سابق صدر نے لاہور میں ڈیرے ڈالے ہوئے ہیں، عمران خان کے جلسے کے بعد انھوں نے لاہور میں چھ بڑے جلسوں کا اعلان کیا تھا۔


اٹھارویں ترمیم پر عمل نہ ہونے کے باعث صوبوں میں اشتعال پایا جاتا ہے، آصف زرداری


Comments

- Advertisement -