The news is by your side.

Advertisement

آصف زرداری نے جیل میں اے کلاس کی سہولتیں مانگ لیں

اسلام آباد : سابق صدر آصف زرداری نے جیل میں اے کلاس ، ایئرکنڈیشن، فریج کی سہولتیں مانگ لیں ، عدالت کاآصف زرداری کوسہولتیں دینے کی درخواست پر نیب سے جواب طلب کرلیا ہے۔

تفصیلات کے مطابق وکیل لطیف کھوسہ نے سابق صدر آصف زرداری کے لئے جیل میں سہولتیں دینے کی درخواست دے دی ، وکیل کا کہنا ہے کہ اڈیالہ جیل میں اے کلاس سہولتیں فراہم کی جائیں جبکہ ایئرکنڈیشن ، فریج کی سہولت اور اخبارات ، کتابیں ، جرنلز بھی دیے جائیں۔

عدالت نے آصف زرداری کو سہولتیں دینے کی درخواست پر نیب کو نوٹس جاری کرتے ہوئے کہا نیب سہولتیں فراہم کرنے سے متعلق درخواست پر جواب دے۔

یاد رہے جعلی اکاؤنٹس کیس میں گرفتار آصف زرداری کو جسمانی ریمانڈ ختم ہونے پر اسلام آبادکی احتساب عدالت میں پیش کیاگیا، دوران سماعت وہ روسٹرم پرآئے اور شکوہ کیا کہ انھیں عید کی نماز نہیں پڑھنے دی گئی جبکہ عدالتی اجازت کے باوجود بیٹی کو بھی ملنے نہیں دیا جاتا۔

مزید پڑھیں : آصف زرداری کو 19 اگست تک جوڈیشل ریمانڈ پرجیل بھیج دیاگیا

نیب وکیل نے موقف اختیار کیا کہ کیس میں نئی پیش رفت ہوئی ہے، ایک ملزم نے بیان دیا ہے اس کا آصف زرداری سے سامنا کرانا ہے، اس لئے مزید جسمانی ریمانڈ چاہیئے۔

وکیل صفائی نے کہا پہلےہی کہاتھاایک ہی بار نوے روزکا ریمانڈدے دیں، بار بار پیشی سے قومی خزانے کا نقصان ہورہا ہے، عدالت نے فریقین کو سننے کے بعد آصف زرداری کو انیس اگست تک جوڈیشل ریمانڈ پر جیل بھیج دیا، جس کے بعد آصف زرداری کو جیل منتقل کردیا گیا۔

Comments

comments

یہ بھی پڑھیں