ٹرمپ دھمکیاں نہ دے، ہم مسلمان اورپاکستانی ہیں، آصف زرداری -
The news is by your side.

Advertisement

ٹرمپ دھمکیاں نہ دے، ہم مسلمان اورپاکستانی ہیں، آصف زرداری

لاہور : پیپلزپارٹی کے شریک چیئرمین آصف علی زرداری نے کہا ہے کہ ڈونلڈ ٹرمپ ہمیں دھمکائے مت ہم پاکستانی اور مسلمان ہیں، پاکستانیوں کی قربانیاں امریکیوں سے کہیں زیادہ ہیں، میں نے نوازشریف کی حکومت جمہوریت کی خاطر بچائی۔

ان خیالات کا اظہار انہوں نے لاہور میں میڈیا سے گفتگو کرتے ہوئے کیا، آصف زرداری نے امریکی صدر ڈونلڈ ٹرمپ کے حالیہ بیان پر اپنا رد عمل دیتے ہوئے کہا کہ اگر ٹرمپ کو لڑائی کرنی ہے تو افغانستان میں کریں، ہمیں نہ دھمکائیں ہم مسلمان اور پاکستانی ہیں۔

انہوں نے کہا کہ مجھے پاکستان کا درد ہے اس لیے ٹرمپ کی تقریر سننے کے لیے رات بھر جاگا، اگر امریکہ پاکستان کے ساتھ حساب برابر کرنا چاہتا ہے تو ہم پہلے اس کے ساتھ پائی پائی کا حساب کریں گے۔

آصف زرداری کا کہنا تھا کہ نوازشریف جو چاہتے تھے وہی آج ٹرمپ نے کہا، نوازشریف،مودی کا دوست ہے اس لیے امریکہ میں لابیسٹ نہیں رکھا۔ ٹرمپ کوپتا ہونا چاہیے یہ پاکستان ہے افغانستان نہیں۔

نواز شریف کے اعمال ایسے نہیں تھے کہ اپنی مدت پوری کرتے

سابق صدر نے کہا کہ این اے 120 کا انتخاب پیپلزپارٹی اور کارکنوں کا الیکشن ہے، میں نے نوازشریف کی حکومت جمہوریت کی خاطر بچائی، جمہوریت کو بچانے کی خاطر نوازشریف کا ساتھ دیا لیکن ان کے اعمال ایسے نہیں تھے کہ وہ اپنی پانچ سال کی مدت پوری کرتے۔

ان کا کہنا تھا کہ جمہوریت جتنی بھی خراب ہو وہ آمریت سے لاکھ درجہ بہتر ہے، ہمیں پاکستان کو ذہانت اور محنت کرکے بچانا ہے۔

Comments

comments

یہ بھی پڑھیں