The news is by your side.

Advertisement

زرداری، فضل الرحمان ملاقات، حکومت پر کڑی تنقید

حکومت اپوزیشن کےخلاف انتقامی کارروائیوں میں مصروف ہے: آصف زرداری

اسلام آباد: پاکستان پیپلزپارٹی کے چیئرمین آصف علی زرداری اور جمعیت علمائے اسلام (ف) کے سربراہ مولانا فضل الرحمان میں‌ اہم ملاقات ہوئی ہے.

تفصیلات کے مطابق اس ملاقات میں اپوزیشن کے دونوں رہنماؤں نے پی ٹی آئی کی حکومت کی کارکردگی پرعدم اطمینان کا اظہار کیا.

اس موقع پر سابق صدر آصف علی زرداری نے پی ٹی آئی کو تنقید کا نشانہ بناتے ہوئے کہا کہ حکومت عوام کو ریلیف دینے میں مکمل طور پر ناکام ہوگئی.

انھوں‌نے یہ بھی کہا کہ حکومت اپوزیشن کےخلاف انتقامی کارروائیوں میں مصروف ہے.

اس موقع پر جمعیت علمائے اسلام (ف) کے سربراہ مولانا فضل الرحمان نے کہا کہ نیب کی کارروائیاں احتساب نہیں سیاسی انتقام ہے.

مزید پڑھیں: لاٹھی گولی کی سرکار نہیں چلےگی، بلاول بھٹو زرداری

انھوں‌نے کہا کہ حکمرانوں میں گلی، محلہ چلانے کی اہلیت نہیں ملک کیسے چلا سکتے ہیں، حکومت نیشنل ایکشن پلان پر عملدرآمد میں سنجیدہ نہیں.

یاد رہے کہ گذشتہ روز پیپلزپارٹی کے چیئرمین بلاول بھٹو زرداری اور شیئریک چیئرمین آصف علی زرداری نیب کے سامنے پیش ہوئے. اس وقت پر پی پی کے جیالوں نے شدید احتجاج کیا. پولیس اور کارکنوں کے درمیان تصادم کی وجہ سے خاصی بدمزگی ہوئی.

Comments

comments

یہ بھی پڑھیں