site
stats
پاکستان

ہوسکتا ہے شریف برادران کفیل بچانے سعودی عرب گئے ہوں: آصف زرداری

Asif Ali Zardari
آج پھر این آر او سمیت مختلف قسم کی افواہیں ہیں

کراچی: آصف علی زرداری کا کہنا ہے کہ میاں برادران سعودی عرب کیوں گئے، یہ وقت ہی بتائے گا، البتہ یاد رہے کہ سعودی عرب میں بھی کرپشن کے خلاف مہم چل رہی ہے۔

ان خیالات کا اظہار پاکستان پیپلزپارٹی کے شریک چیئرمین نے میڈیا سے گفتگو کرتے ہوئے کیا۔

ان کا کہنا تھا کہ سعودی عرب میں کیا کھچڑی پک رہی ہے، ہمیں نہیں معلوم، البتہ وہاں بھی کرپشن پر شہزادوں کو گرفتار کیا گیا ۔ہوسکتا ہے شریف برادران کفیل بچانے سعودی عرب گئے ہوں۔

آصف زرداری کا کہنا تھا کہ آج پھر این آر او سمیت مختلف قسم کی افواہیں ہیں، جس وقت این آراو ہوا، اس وقت ہم جیلوں میں تھے۔

مارکیٹ میں نوازشریف کے دورے سے متعلق افواہیں ہیں. مگر میری حکومت پرسعودی عرب کا کوئی اثرورسوخ نہیں تھا، ماضی میں شریف برادران طیارے میں چڑھے، تو ہمیں بھی دعوت ملی، اللہ کا شکر ہے ماضی میں ہم ثابت قدم رہے۔

یہ بھی پڑھیں: شہبازشریف اور رانا ثنااللہ کو مستعفی ہونا پڑے گا: آصف زرداری

انھوں نے کہا کہ طاہرالقادری کی شکل میں ہمیں نواب زادہ نصراللہ مل گئے ہیں، پرویز مشرف میں دم ہے تو وطن واپس آئیں۔ ایک سوال کے جواب میں انھوں‌ نے کہا کہ فروری میں حکومت جانے پر فی الحال کوئی تبصرہ نہیں کروں گا۔

انھوں نے شکوہ کیا کہ نیب نے ہمیشہ سندھ پر ظلم کیا ہے، نیب کے پاس کون سی صلاحیت ہے، جونہروں کی لائننگ ناپتی ہے، یہ  سراسر ناانصافی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top