site
stats
پاکستان

سندھ کابینہ میں بڑے پیمانے پر ردوبدل اور وزراء کی تعداد میں اضافہ

دبئی : آصف علی زرداری کی زیرِصدارت دبئی میں پیپلز پارٹی کے رہنماؤں کے اجلاس میں سندھ کابینہ میں بڑے پیمانے پر ردوبدل اور وزراء کی تعداد میں اضافے کا فیصلہ کیا گیا ہے.

آصف علی زرداری کی زیرِصدارت دبئی میں اجلاس میں سندھ کابینہ کے ارکان میں بڑے پیمانے پر ردوبدل اور اضافے کا فیصلہ ہوا، ناصر شاہ کو محکمہ خوراک کا قلمدان،جام خان شورو کو محکمہ بلدیات کا قلمدان دینے کا فیصلہ کیا گیا ہے۔

ذرائع کے مطابق ایاز بُٹ کو محکمہ دیہی ترقی و پبلک ہیلتھ انجینئرنگ دیا جائے گا جبکہ سندھ کابینہ میں ایک مشیر کا بھی اضافہ کیا جارہا ہے۔

ذرائع کا کہنا ہے کہ مولابخش چانڈیو کو مشیراطلاعات بنانے کا فیصلہ ہوا ہے جبکہ سینئر وزیر نثار کھوڑو سے محکمہ اطلاعات کا قلمدان واپس لیا جائیگا اور وہ صرف ایجوکیشن فارلٹریسی کے وزیر ہونگے۔

منظور وسان سے محکمہ خوراک کا قلمدان واپس لیا جارہا ہے، وہ صرف وزیرمعدنیات و معدنی ترقی ہونگے، مکیش کمار چاولہ کو اقلیتی امور کا اضافی قلمدان دیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top