The news is by your side.

Advertisement

نواز لیگ کو شیرمیں نے بنایا، آصف علی زرداری کا دعویٰ

لاہور : سابق صدر آصف علی زرداری نے کہا ہے کہ جب صدربنا تو کچھ لوگ چاہتے تھے کہ میں وزیراعظم بنوں، نواز لیگ کو شیر میں نے بنایا، میں نکل پڑاہوں، پنجاب کے گاؤں گاؤں جاؤں گا۔ اب پنجا ب میں آر اوز کے الیکشن نہیں ہونے دوں گا۔

ان خیالات کا اظہارانہوں نے لاہورمیں میڈیا سے گفتگو کرتے ہوئے کیا، دوران گفتگو پیپلزپارٹی کے شریک چیئرمین کا نواز لیگ پر اپنے مخصوص انداز میں تنقید کرتے ہوئے کہنا تھا کہ پرویز مشرف گیا تو یہ شیر بنے تھے،ان کو شیرمیں نے بنایا تھا۔

جب میں صدرپاکستان بنا تھا تو اس وقت کچھ لوگ چاہتے تھے کہ میں وزیر اعظم بنوں لیکن میں پرویزمشرف کو گھربھیجنے کیلئے صدر بنا تھا۔

آصف زرداری نے کہا کہ اب میں نکل پڑا ہوں، پنجاب میں آراوز الیکشن نہیں ہونے دوں گا، جیالوں کے جذبے سے ن لیگ کوچت کردوں گا، پنجاب کے گاؤں گاؤں جاؤں گا، جیالوں کے ساتھ کھانا بھی کھاؤں گا کیونکہ کارکن میری طاقت اورمیں کارکنوں کی طاقت ہوں۔

آصف زرداری نے کہا کہ بلاول بھٹو کی جوانی اور میراتجربہ پیپلزپارٹی کی جیت کا دروازہ کھول دے گا۔

علاوہ ازیں آصف زرداری نے لاہورمیں اپنا قیام مختصرکردیا ہے، وہ کل لاہور سے اسلام آباد کے لیے روانہ ہوں گے جہاں وہ مختلف وفود سے ملاقات کے بعد کراچی روانہ ہو جائیں گے۔

ذرائع کے مطابق آصف زرداری نے یکم اپریل تک لاہور میں قیام کرنا تھا جسے ناگزیر وجوہات کی بنا پر مختصر کردیا گیا۔

Print Friendly, PDF & Email

Comments

comments

یہ بھی پڑھیں