نواب شاہ: پاکستان پیپلزپارٹی کے شریک چیئرمین آصف زرداری نے کہا ہے کہ پیپلزپارٹی الیکشن 2018میں واضح اکثریت سے کامیاب ہوگی.
ان خیالات کا اظہار انھوں نے کامورو اور سکرنڈ کے کارکنان سے خطاب کرتے ہوئے کیا. ان کا کہنا تھا کہ پاکستان پیپلز پارٹی عوام کی طاقت ہے.
آصف زرادری نے کہا کہ پیپلز پارٹی اور عوام کا رشتہ اٹوٹ ہے. پاکستان پیپلز پارٹی کے جیالے پارٹی اثاثہ ہیں، پیپلزپارٹی الیکشن 2018 میں واضح اکثریت سے کامیاب ہوگی.
انھوں نے مزید کہا کہ بلاول بھٹو ذوالفقارعلی بھٹو اور بے نظیربھٹو کا مشن جاری رکھے ہوئے ہیں، پیپلز پارٹی واحد جماعت ہے جو کارکنوں کا خیال رکھتی ہے.
آصف زرداری کا کہنا تھا کہ کارکن الیکشن کی بھرپور تیاریاں کریں، 25جولائی پیپلز پارٹی کی فتح کا دن ثابت ہوگا.
سابق صدر نے دعویٰ کیا کہ پیپلز پارٹی سندھ سمیت پورے پاکستان سے کامیابی حاصل کرے گی.
قبل ازیں آصف علی زرداری سے پیر مظہر الحق نے ملاقات کی، دونوں رہنماؤں میں ضلع دادو کی صورتحال پر تبادلہ خیال کیا گیا، ملاقات میں دادو میں انتخابات 2018 سے متعلق صلاح مشورے کئے گئے۔
عام انتخابات میں پیپلزپارٹی بھاری اکثریت سے کامیاب ہوگی، آصف زرداری
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
