The news is by your side.

Advertisement

ہم نے نواز شریف کوبارباربچایااورانہوں نےہماری پیٹھ میں چھراگھونپا،آصف زرداری

لاہور: پیپلز پارٹی کے شریک چیئرمین آصف زرداری کا کہنا ہے کہ ہم نے نواز شریف کوبارباربچایااورانہوں نے ہماری پیٹھ میں چھرا گھونپا، پیپلزپارٹی نے اداروں کو مضبوط اور نواز شریف نے انھیں کمزور کیا۔

تفصیلات کے مطابق لاہور میں پیپلز پارٹی کے شریک چیئرمین آصف زرداری سے پیپلزپارٹی پنجاب کے رہنما عامر حسن کی ملاقات ہوئی ، اس موقع پرآصف زرداری نے کہا کہ کوشش کی نوازشریف ٹھیک ہوں اور جمہوریت کیلئے سیاست کریں، جمہوریت کی خاطر مفاہمت بھی کی لیکن نواز شریف نہ سدھر سکے۔

کوشش کی نوازشریف ٹھیک ہوں، جمہوریت کی خاطر مفاہمت بھی کی لیکن نواز شریف نہ سدھر سکے

آصف زرداری پیپلزپارٹی

آصف زرداری کا کہنا تھا کہ ہم نے نواز شریف کو بار بار بچایا اور انہوں نے ہماری پیٹھ میں چھرا گھونپا، نواز شریف جمہوریت اور ملک کیلئے نہیں اپنے لیے سیاست کرتے ہیں، ہم ذات اورسیاسی مفادات سے بالا ہوکر سیاست کرتے ہیں، گڑھی خدابخش کے 4شہدا،ہزاروں شہدا کے مزار اس سیاست کے گواہ ہیں۔

پی پی کے شریک چیئرمین نے کہا کہ پیپلزپارٹی نےاداروں کومضبوط اورنواز شریف نے انھیں کمزور کیا، اداروں کےکردار ،خامیوں اور کوتاہیوں پر تحفظات ہو سکتے ہیں، ہم نےتمام تحفظات کےباوجودعدلیہ سمیت ادارےمضبوط کیے، کسی اورادارے کوکمزور کرنے کےبجائے پارلیمنٹ کو بااختیار بنایا۔

ان کا کہنا تھا کہ ادارے کمزور ہوں گے تو پاکستان کا حال افغانستان جیسا ہو جائے گا، نواز شریف کوفکر ہے نہ ادراک کہ ادارے کمزور ہوئے تو کیا حشر ہوگا، نوازشریف کی دولت اوراولادباہرہیں وہ بھاگ جائیں گے، ہم نےکہیں نہیں جانا،ہمیں 21کروڑ عوام کے ساتھ رہنا ہے۔

نوازشریف کی دولت اوراولادباہرہیں وہ بھاگ جائیں گے

آصف زرداری پیپلز پارٹی

آصف زرداری نے کہا کہ ہم نےکہیں نہیں جانا،ہمیں 21کروڑ عوام کے ساتھ رہنا ہے، نوازشریف نےپاکستان کوتنہا کیا، وزیرخارجہ تک نہ لگایا، جو وزیر خارجہ لگایا انہیں سفارتکاری کےآداب تو کیا الف ب نہیں آتی، ہمارے دور میں خطے کےممالک پاکستان کےساتھ کھڑے ہوتےتھے۔

شریک چیئرمین پی پی کا کہنا تھا کہ ہماری خارجہ پالیسی تھی پاکستان ایران اورافغانستان ساتھ کھڑےہوتےتھے، آج وہی ایران اورافغانستان بھارت کےساتھ ہاتھ ملاکرکھڑے ہیں ، بدقسمتی سےپنجاب میں عدم برداشت کی فضاکوپروان چڑھایاگیا،بلھےشاہ اوردیگرصوفیاکےامن،محبت اورانسانیت کےپیغام کودبادیاگیاہے۔

انھوں نے مزید کہا کہ حکومتی سرپرستی میں پنجاب میں انتہاپسندی کا فروغ اور برداشت کا خاتمہ ہوا، سندھ میں بھٹائی یونیورسٹی قائم کر کےہم نےصوفیا کی تعلیمات کوآگےبڑھایا ،کاش پنجاب میں بھی یونیورسٹی بنتی اورعدم برداشت کےخلاف تعلیم دی جاتی۔

یاد رہے گڑھی خدا بخش میں‌ پیپلزپارٹی کے جلسے سے خطاب کرتے ہوئے آصف زرداری کا کہنا تھا کہ   میاں صاحب نے ہمیشہ اسٹیبلشمنٹ سے مل کر ہماری پیٹھ میں چھرا گھونپا، آپ اب سے صلح نہیں ہوگی، جنگ رہے گی، آپ سیاست داں نہیں، بلکہ مغل شہنشاہ ہیں، آپ کی وجہ سے ہمارے دوست ہم سے دور ہوگئے، ہم بہت جلد پنجاب آئیں گے اور تخت رائیونڈ کو ہلائیں گے۔

ان کا کہنا تھا کہ میاں صاحب غریبوں کو لوٹنا اور ان کا خون چوسنا چھوڑ دیں، وہ دن یاد کریں جب ہم نے آپ کی حکومتیں بچائی تھیں، آپ کے وزرا کے پیر کانپ رہے تھے، اگر میں لندن سے نہ آتا، اس کے باوجود آپ نے آنکھیں پھیر لیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

 

 

Comments

comments

یہ بھی پڑھیں