The news is by your side.

Advertisement

بلاول آج پیپلز پارٹی کا انقلابی منشور پیش کریں گے، آصف زرداری

اسلام آباد: پاکستان پیپلز پارٹی کے شریک چیئرمین آصف علی زرداری نے کہا ہے کہ بلاول بھٹو زرداری آج پارٹی کا انقلابی منشور پیش کریں گے۔

میڈیا سے بات چیت کرتے ہوئے آصف زرداری نے کہا کہ پیپلز پارٹی کا منشور شہید بی بی کی فلاسفی کی روح کےمطابق ہے، بلاول آج یہ منشور پیش کریں گے۔

ذرائع کا کہنا ہے کہ چیئرمین پی پی بلاول بھٹو آج دن میں تین بجے پارٹی منشور کا اعلان کریں گے، منشور میں روزگار، کپڑا، مکان اور نوجوانوں کو با اختیار بنانے کے نکات شامل ہیں۔

خیال رہے کہ کل پیش کیا جانے والا منشور پیپلز پارٹی کا 11 واں مینی فسٹو ہوگا، پیپلز پارٹی کا پہلا منشور 1967 بانی پی پی ذوالفقار علی بھٹو نے پیش کیا تھا۔

ذرائع نے کہا ہے کہ پی پی کے منشور میں ہمیشہ عوامی مسائل کا حل اور ورکرز کے حقوق کا تحفظ شامل رہا ہے، 2018 کے منشور میں جمہوریت سمیت دیگر امور شامل ہوں گے۔

دریں اثنا پی پی کو چیئرمین آصف زرداری نے آج پیش کیے جانے والے منشور کے حوالے سے میڈیا سے گفتگو کرتے ہوئے کہا کہ ہماری جدوجہد عوام کے روشن مستقبل کے لیے ہے۔

پیپلزپارٹی کراچی کی 7 نشستوں پر خواتین امیدوار سامنے لے آئی


انھوں نے کہا شہید بھٹو کے خوابوں کی تعبیر ہمارا مشن ہے، آصف زرداری نے پی پی کے بانی کے ساتھ عوام کے تعلق کو ایک رومانس قرار دیتے ہوئے کہا بھٹو شہید اور عوام کا رومانس تا قیامت رہے گا۔

زرداری کا کہنا تھا کہ غریب کو خوش حال کر کے شہید بھٹو کے سامنے سرخ رو ہوں گے، عوام پر جان قربان کرنا صرف بھٹوز کی تاریخ ہے، ہم عوام کی طاقت سے انتخابات جیتیں گے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں