The news is by your side.

Advertisement

ہم عوام کی طاقت اور مخالفین چور دروازے سے اقتدار میں آتے ہیں، آصف زرداری

لاہور: پاکستان پیپلز پارٹی کے شریک چیئرمین آصف علی زرداری نے کہا ہے کہ ہم ہمیشہ عوام کی طاقت اور مخالفین چور دروازے سے اقتدار میں آتے ہیں۔

ان خیالات کا اظہار انھوں نے بلاول ہاؤس لاہور میں کارکنوں سے خطاب کرتے ہوئے کیا، ان کا کہنا تھا کہ مخالفین الزام تراشیوں کے علاوہ کچھ نہیں کر سکتے۔

سابق صدر آصف زرداری نے کہا کہ پی پی عوام کی طاقت سے اقتدار میں آکر ملک کی خدمت کیا کرتی ہے جب کہ مخالفین نے چور دروازے سے اقتدار میں آکر عوام کو انتقام کا نشانہ بنایا۔

انھوں نے کارکنوں سے کہا کہ وہ اتحاد اور جذبے کے ساتھ پی پی کے امیدواروں کی کام یابی کے لیے کام کریں، مخالفین کے پاس الزام تراشی اور جھوٹے پروپیگنڈے کے سوا کچھ نہیں۔

آصف زرداری کا کہنا تھا کہ بے نظیر بھٹو شہید کا فلسفہ ہمارے لیے مشعلِ راہ ہے، پیپلز پارٹی کا ہر کارکن عوام کی خدمت کا جذبہ رکھتا ہے۔

انھوں نے کارکنوں سے خطاب کرتے ہوئے کہا پیپلز پارٹی نے ہمیشہ ملک اور عوام کی خدمت کی ہے اور پی پی کی قیادت نے عوام کے ساتھ جو بھی وعدہ کیا اسے پورا کیا۔

ٹوبہ ٹیک سنگھ میں بھی کراچی سے اچھی بسیں ہیں، شہباز شریف


سابق صدر کا کہنا تھا کہ پیپلز پارٹی نے ادارے بنائے اور ہمیشہ عوام کی فلاح و بہبود کے لیے کام کیا، یہ کل بھی پسے ہوئے طبقے کی جماعت تھی اور آج بھی اسی طبقے کی جماعت ہے۔

خیال رہے کہ انتخابی مہم کے سلسلے میں پی پی کی بڑی حریف جماعت نواز لیگ کے صدر شہباز شریف کراچی کے دورے پر ہیں، جب کہ پیپلز پارٹی کے رہنما نے لاہور میں ڈیرہ ڈال لیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں