دبئی : سابق صدر آصف علی زرداری نے عوام بالخصوص پاکستانی نوجوانوں سے اپیل کی ہے کہ وہ شہید ذوالفقار علی بھٹو کے سیاسی فلسفہ کا مطالعہ کریں اور ملک کو درپیش سماجی، اقتصادی اورسیاسی چیلنجوں پر قابو پانے کی راہ ڈھونڈیں۔
ذوالفقارعلی بھٹو شہید کی 88 ویں سالگرہ کے موقع پراپنے پیغام میں انہوں نے کہا کہ آج کے روز اس عزم کا اعادہ کرتے ہیں کہ کسی فرد یا ادارے کوزبردستی اقتدار پر قبضہ نہیں کرنے دیں گے کیونکہ یہ اقتدار صرف اور صرف عوام کا حق ہے۔
آصف زرداری کا کہنا ہے کہ مذہب کے نام پر انتہاپسندوں کو اقتدار پر قبضہ نہیں کرنے دیں گے، صرف پارلیمنٹ ہی کو اختیار ہے کہ آئین میں ترامیم اور قانون سازی کرسکے۔
انکا مزید کہنا تھا کہ عدلیہ کا اختیار ہے کہ ان قوانین کی آئین ہی کے تناظر میں نظرثانی کر سکے لیکن عدلیہ قانون سازی کرنے کی مجاز نہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں