راولپنڈی: پاک فوج کے ترجمان میجر جنرل آصف غفور نے پاکستان شوبز انڈسٹری کے ابھرتے ہوئے نوجوان اداکاروں احد رضا اور سجل علی کو نئے رشتے کے بندھن میں بندھنے پر مبارک باد پیش کی ہے۔
تفصیلات کے مطابق پاکستانی گلوکار و اداکار احد رضا نے گزشتہ دنوں سماجی رابطے کی ویب سائٹ پر باضابطہ سجل علی کے ساتھ منگنی کا اعلان کیا تھا۔
انہوں نے اپنے دوستوں اور مداحوں کو اس خوشخبری سے آگاہ کرتے ہوئے تمام لوگوں سے دعاؤں کی درخواست بھی کی تھی۔ عید کے موقع پر منگنی کی خبر سوشل میڈیا کی زینت بن گئی اور سب نے ہی نئے جوڑے کے لیے نیک خواہشات کا اظہار کیا۔
اب پاک فوج کے شعبہ تعلقاتِ عامہ (آئی ایس پی آر) کے سربراہ میجر جنرل آصف غفور نے بھی سجل اور احد رضا کو منگنی پر مبارک باد پیش کی۔
Heartiest congrats Ahad, Sajal & families on the engagement. Stay blessed.
Millions of Pakistani viewers and your fans should be ready to see you on screen in a lifetime role for ISPR as Capt Saad during this August, IA.@ahadrazamir @Iamsajalali pic.twitter.com/fGwts12EsD
— Asif Ghafoor (@peaceforchange) June 9, 2019
اپنے ذاتی ٹوئٹر اکاؤنٹ سے کیے گئے ٹویٹ میں اُن کا کہنا تھا کہ ’’احد، سجل اور اُن کے اہل خانہ کو منگنی کی دلی مبارک باد، ہماری دعا ہے کہ آپ لوگ ہمیشہ خوش رہیں‘‘۔
میجر جنرل آصف غفور نے مزید لکھا کہ ’’لاکھوں پاکستان اور آپ کے مداح اگست میں آئی ایس پی آر کے پروجیکٹ میں آپ کو کپیٹن سعد کے کردار میں دیکھنے کے لیے بے تاب ہیں‘‘۔
