site
stats
پاکستان

عدالت مفرورڈکٹیٹرکوملک واپس بلا کر احتساب کرے‘آصف کرمانی

Asif Kirmani

اسلام آباد : مسلم لیگ کے رہنما سینیٹرآصف کرمانی کا کہنا ہے کہ قوم جانتی ہے کہ ڈکٹیٹر ہمشیہ بھاگ جایا کرتے ہیں۔

تفصیلات کے مطابق اسلام آباد میں مسلم لیگ ن کے سینیٹر آصف کرمانی نے احتساب عدالت کےباہر میڈیا سے گفتگوکرتے ہوئے کہا کہ سیاسی لیڈرعوام میں رہتے ہیں اورعدالتوں کا سامنا کرتے ہیں۔

آصف کرمانی کا کہنا تھا کہ نوازشریف نے آج بھی عدالتوں کا سامنا کیا ہے جبکہ ان کے بچے والدہ کی تیمارداری کے لیے لندن میں موجود ہیں۔

مسلم لیگ ن کے رہنما کا کہنا تھا کہ قوم جانتی ہے کہ ڈکٹیٹر ہمیشہ بھاگ جایا کرتے ہیں،انہوں نے کہا کہ عدالت مفرور ڈکٹیٹر کوملک واپس بلا کر احتساب کرے۔

آصف کرمانی کا کہنا تھا کہ صحافی پر ہمارےاسٹاف نے تشدد کیا ہےتو میں معافی مانگتا ہوں۔ انہوں نے کہا کہ صحافی پر تشدد کا علم نہیں مگر اس حوالےسے تحقیقات کراؤں گا۔


نوازشریف پرفرد جرم 2 اکتوبرکوعائد کی جائی گی


واضح رہے کہ سابق وزیراعظم میاں محمد نوازشریف اپنے خلاف دائر تین نیب ریفرنسز کا سامنا کرنے کے لیے آج احتساب عدالت پہنچے جہاں ان پر فرد جرم عائد کرنے کے لیےعدالت نے 2 اکتوبر کی تاریخ دے دی۔

احتساب عدالت نے نوازشریف کے بچوں حسن، حسین اور مریم نواز کے ناقابل ضمانت وارنٹ گرفتاری جاری کرتے ہوئے کہا کہ انہیں گرفتار کرکے 2 اکتوبرکو پیش کیا جائے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top