سلمان بٹ اور محمد آصف کو ڈومیسٹک سیزن کی اجازت مل گئی -
The news is by your side.

Advertisement

سلمان بٹ اور محمد آصف کو ڈومیسٹک سیزن کی اجازت مل گئی

لاہور : پاکستان کرکٹ بورڈ نے بحالی پروگرام مکمل کرنے پر اسپاٹ فکسنگ اسکینڈل کے سزا یافتہ کرکٹرز سلمان بٹ اور محمد آصف کو ڈومیسٹک سیزن کھیلنے کی اجازت دے دی ہے۔ ۔

تفصیلات کے مطابق سلمان بٹ اور محمد آصف کو ڈومیسٹک سیزن کھیلنے کا پروانہ مل گیا، سابق ٹیسٹ ٹیم کپتان سلمان بٹ اور محمد آصف آئندہ سال کے آغاز میں ایک روزہ ڈومیسٹک سیزن کیلئے دستیاب ہونگے۔

دونوں کھلاڑیوں نے سزا مکمل ہونے کے بعد واپڈا کا ڈیپارٹمنٹ جوائن کیا ہے۔ اسپاٹ فکسنگ اسکینڈل کے سزا یافتہ کرکٹرز نے بڑی تیزی کیساتھ پی سی بی بحالی پروگرام کے تحت نوجوان کھلاڑیوں کو اپنی آپ بیتی پر لیکچرز مکمل کرلئے ہیں۔

محمد عامر پہلے ہی ڈومیسٹک کیساتھ اب بنگلہ دیش پریمیئر لیگ میں بھی جلوگر ہیں۔ عمدہ کارکردگی نے سیلکٹرز اور مینجمنٹ کی توجہ حاصل کرلی ہے۔

تینوں کرکٹرز کی پاکستان ٹیم میں واپسی کو یقینی بنانا اب پاکستان کرکٹ بورڈ کا کام ہے۔ لیکن سوال یہ پیدا ہوتا ہے کہ کیا پاکستانی ٹیم ان کھلاڑیوں پر اعتماد بحال کرنے میں کامیاب ہوگی یا نہیں ؟

Comments

comments

یہ بھی پڑھیں