site
stats
سندھ

آصف زرداری کراچی آتے ہی سرگرم

کراچی: پیپلز پارٹی کے شریک چئیرمین آصف زرداری کراچی آتے ہی سرگرم ہوگئے، بلاول بھٹو اور آصف زرداری کی زیر صدارت پارٹی کا مشترکہ اجلاس ہوا جس میں چار نکاتی ایجنڈے پر غور کیا گیا۔

تفصیلات کے مطابق سابق صدر آصف علی زرداری دبئی سے وطن واپس آتے ہی سیاسی سرگرمیوں میں مصروف ہوگئے۔چئیرمین پیپلز پارٹی بلاول بھٹو اور آصف زرداری کی زیر صدارت پارٹی کا مشترکہ اجلاس ہوا جس میں چار نکاتی ایجنڈے پر غور کیا گیا ساتھ ہی پارٹی رہنماؤں نے آصف زرداری اور بلاول بھٹو کے فیصلوں اعتماد کا اظہار کیا۔

اجلاس سے خطاب کرتے ہوئے آصف زرداری نے کہا کہ یہ وطن ان کا ہے اس کی ترقی ٹھیکے دار ی سسٹم کے رحم و کرم پر چلنے نہیں دیں گے۔

دریں اثنا آصف زرداری سے وزیراعلی سندھ مراد علی شاہ نے بھی ملاقات کی جس میں رینجرز کی حالیہ کارروائی پر تبادلہ خیال کیا گیا۔

وزیراعلی سندھ نے سندھ کے سیاسی اور انتظامی صورتحال اور سابق صدر کو عدالتوں میں چلنے والے مقدمات پر بھی بریفنگ دی۔

آصف زرداری کا کہنا تھا کہ سندھ حکومت آئین اور قانون پر عمل کرکے عمل داری قائم کرے۔ انہوں نے وزیراعلی سندھ کو ہدایت دی ہمارا منشور ہی عوام کی تقدیر بدلنا ہے اس حوالے سے منصوبہ بندی کی جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top